web counter
LEXO PA REKLAMA!

SHKARKO APP

App Store
Google Play

Ripërsëritja e zgjedhjeve në Rrogozhinë/ Berisha: I mohon të drejtën kandidatit tonë

2023-06-15 19:02:00, Politikë CNA
Ripërsëritja e zgjedhjeve në Rrogozhinë/ Berisha: I mohon
Kryetari i Partisë Demokratike, Sali Berisha

Kolegji Zgjedhor pranoi sot kërkesën e koalicionit “Bashkë Fitojmë” dhe vendosi të ripërsëriten zgjedhjet në bashkinë e Rrogozhinës.

Për ripërsëritjen e zgjedhjeve ka ardhur reagimi i kryetarit të Partisë Demokratike dhe të koalicionit, Sali Berisha.

Në një intervistë me Sonlia Meçon, Berisha pretendon se vendimi i Kolegjit Zgjedhor i mohoi defakto atë që i takonte kandidatit të opozitës, Shkëlqim Hoxha.

“Defakto ju mohua mandati atij që i takonte me këtë vendim, sepse diferencën aty e bënte kutia e burgut, qendra e votimit në të cilin ishte ngritur pa asnjë vendim ligjor, të bazuar në ligjin dhe rregullat e ngritjes së qendrave të votimit.

Ngritja e kësaj qendre votimi u bë me bashkëpunimin mes kriminelit elektoral Ulsi Manja dhe kriminelit tjetër elektoral drejtorit të burgut, që është vjehrri i kandidatit të Rrogozhinës.  Ky burg, 5 ditë përpara ka pasur gjithsej 2 të burgosur dhe u mbush me transferime brenda javës që të krijohej diferenca.

Në këtë kontekst çdo gjykatë e paanshme do të kishte vetëm një vendim, qendra e votimit është e paligjshme dhe nuk mund të përllogaritet se përndryshe hajde vendosim kutitë në rrugë dhe të votojmë. Ekzistojnë rregulla ligjore për ngritjen e qendrave të votimit. Me këtë vendim, ju mohua mandati që i takon opozitës”, theksoi kreu i PD-së./ CNA.al





Lajmet e fundit nga