web counter
LEXO PA REKLAMA!

SHKARKO APP

App Store
Google Play

E fundit!

x

“Protestoni në mënyrë të kulturuar”/ Bamir Topi këshilla opozitës për 6 dhjetorin

2022-11-25 22:09:00, Politikë CNA
“Protestoni në mënyrë të kulturuar”/ Bamir Topi
Ish-presidenti Bamir Topi

Ish-presidenti Bamir Topi, ka dhënë këshilla për opozitën, në lidhje me protestën e 6 dhjetorit, në ditën kur në Tiranë mbahet samiti i BE-Ballkani Perëndimor.

Topi tha se se është e drejtë e çdokujt që të protestojë, por theksoi se opozita duhet që atë ta bëjë në mënyrë të kulturuar.

Ai deklaroi në emisionin “Pa Protokoll” se do të ndikojë negativisht për opozitën nëse në protestë do të tregohen elementë dhune.

“Organizmi i këtij samiti është nga njëra anë dhe çdo njeri ka të drejtë që të protestojë. Qoftë për të shfrytëzuar edhe median që do të jetë e pranishme këtu. Unë nuk jam në interesin e askujt. Them që është një e drejtë legjitime të protestosh. Qeveria nuk duhet ta kondicionojë një protestë të opozitës. Opozita duhet të dijë që këtë lloj proteste ta bëjë në mënyrë të kulturuar.

Do ishte një gabim madh nga ana e përfaqësuesve të opozitës që tentojnë të bëjnë një protestë në rast se do të tregojnë elemente dhune. Unë i qëndroj parimeve të mia. Nuk kushtëzohet një takim me të drejtën e dikujt për të protestuar. Problemi është politik. Vjen për të trajtuar politikisht axhendën e BE-së dhe Ballkanit Perëndimor. Problemi është tek sensi i masës. Do ketë një protestë që do jetë në funksion të një dite të veçantë”, nënvizoi ish-presidenti./ B.A. – CNA.al

 





Lajmet e fundit nga