web counter
LEXO PA REKLAMA!

SHKARKO APP

App Store
Google Play

“Nuk ka Samit pa protestë”/ Berisha: Mesazhet që do japim për liderët e BE-së

2022-12-02 18:33:00, Politikë CNA
“Nuk ka Samit pa protestë”/ Berisha: Mesazhet që do japim
Kryetari i PD-së, Sali Berisha

Kryetari i PD-së, Sali Berisha, ka folur sërish për protestën e 6 dhjetorit gjatë një takimi që ka mbajtur me banorë të njësisë 7 në Tiranë.

Berisha tha se nuk do të ketë samit pa protestë, ndonëse pretendon se kryeministri Edi Rama po bën gjithçka për ta ndaluar

“Ne do të ndjekim shembullin e qytetarëve të lirë të Francës, Italisë, Anglisë, SHBA-së, Gjermanisë dhe të çdo vendi tjetër të cilët në çdo samit të lidërve të Europës apo botës, pavarësisht se gëzojnë liritë dhe të drejta pakrahasimisht më shumë se ne janë në protestë.

Nuk ka samit pa protestë. Të tilla ndodhin vetëm në vende diktatoriale ku protestat janë të ndaluara, ku diktatorët mblidhen dhe nuk pipëtin asgjë.

Edi Rama po bën gjithçka për të krijuar këtë tabllo dhe në Shqipëri, por ne kurrë nuk do ta lejojmë. Ne do të jemi në shesh me të madh e të vogël”, u shpreh ai.

Gjithashtu, Berisha renditi mesazhet që dëhsiron t’i japë liderëve të BE-së që do të vijnë në Tiranë për Samitin BE-Ballkani Perëndimor.

“Protestat nuk kanë asgjë negative, përkundrazi me protestën tonë ne i shpëtojmë nderin, fytyrën, dinjitetin, Shqipërisë dhe shqiptarëve.

A nuk është Europa dhe bota që thotë se Shqipëria është vendi më i korruptuar në Europë. Nuk po e themi ne, por po e thonë institucionet e besimit të mirë Europiane dhe botërore. Atëherë çfarë do të bëjmë ne që kemi mysafir dinjitarët më të lartë të Europës; do të jemi në shesh për të ju thënë se i korruptuar është Edi Rama me qeverinë e tij dhe ne jemi antikorrupsioni shqiptar.

Ne nuk jemi të korruptuar, por jemi viktima të këtij korrupsioni.

Shqipëria jo nga ne, por nga mediat evropiane dhe botërore është cilësuar si ‘Kolumbia e Europës’ është cilësuar narko shteti i parë dhe i vetëm në Europë dhe kjo jo pa baza.

Ju e shikoni, kush e bënte drogën në Shqipëri. 3 ministra droge emërohen njëri-pas tjetrit në Ministrinë e Brendshme. Edhe ky që është sot është deri në vesh me drogën, sepse është Edi Rama, sepse ata nuk i kanë caktuar qytetarët, por Edi Rama.

Sepse ai adapton platformën e drogës. Atëherë ne, qytetarët që pësojnë pasojat e kësaj politike, nuk mund të jenë atë ditë, përveç se në shesh. Për të ju thënë atyre, burra dhe grave të shquar se ne nuk jemi droga e krimi. Krimi është ai që keni në tavolinë. Ne jemi kundër krimit, kundër drogës”, theksoi kreu i demokratëve./ B.A. – CNA.al





17:25 POLITICS

Përplasjet PS-PD

Takimi i 15-të  në nivelin e komitetit parlamentar të ...

Lajmet e fundit nga