E fundit!

20:21 POLITICS

"Berisha called me 1 hour before the candidacy"/ Korreshi reveals the behind-the-scenes of the DP elections

Democratic Party MP, Saimir Korreshi, shared today some un...

McGonigal “zbret” në Kuvend/ 24 orë debat me Ramën, çfarë pritet të ndodhë në seancën maratonë

2023-03-02 07:37:00, Politikë CNA

McGonigal “zbret” në Kuvend/ 24 orë debat me Ramën,

Foto ilustruese

Sot do të zhvillohet mocion debati me kryeministrin Edi Rama për çështjen “McGonigal”. Seanca parlamentare do të nisë në orën 10:00 dhe do të vihen në dispozicion 24 orë për të diskutuar një nga çështjet më të nxehta, skandali me McGonigal.

Grupi parlamentar i PS do të ketë 750 minuta në dispozicion, 350 minuta do jenë për PD, 70 minuta për grupin parlamentar ‘Aleanca për ndryshim’, 80 minuta për ‘Drejtësi dhe Integrim’, 30 minuta për Partinë e Lirisë dhe e njëjta kohë do të jetë në dispozicion për deputetët e PSD. 9 deputetë të PD-së, do të kenë secili nga 10 minuta kohë për të folur.

Pritet që në sallë të jenë prezentë kreu i PD-së, Sali Berisha dhe një grup deputetësh të cilëve u ka përfudnuar afati i përjashtimit për shkak të seancave të shkuara.

Opozita ka refuzuar më herët zhvillimin e interpelancës për ish-agjentin e FBI që kryeministri Rama ia delegoi ministres Spiropali dhe paralelisht po kërkojnë edhe ngritjen e një komisioni hetimor.

Rendi i ditës

RENDI I DITËS

Në mbështetje të Urdhrit nr. 13, datë 28.2.2023 të Kryetares së Kuvendit, znj. Lindita

Nikolla, rendi i ditës është si më poshtë vijon:

1. Miratimi i procesverbalit të seancës plenare të datës 23.2.2023.

(Neni 44, pika 2 e Rregullores)

2. Njoftime.

(Neni 44, pika 3 e Rregullores)

3. Debat sipas vendimit të Kuvendit nr.11, datë 16.2.2023 “Për caktimin e datës dhe

kohës për debatin për çështjen “Mc Gonigal””. Mocion, Interpelancë, Pyetje.

(Neni 89, 90, 97, 98, 99 i Rregullores së Kuvendit)

Diskutime.