web counter
LEXO PA REKLAMA!

SHKARKO APP

App Store
Google Play

E fundit!

x

Jo vetëm Rama-McGonigal/ Në sitën e PD-së, nesër edhe Lulzim Basha

2023-03-01 15:10:00, Politikë CNA

Jo vetëm Rama-McGonigal/ Në sitën e PD-së, nesër edhe

Kreu i PD, Sali Berisha ka folur me grupin parlamentar në lidhje me mocionin për çështjen McGonigal ditën e nesërme.

Kryetari Berisha është shprehur se duhen hetuar listat e përpiluara ku dalin emrat e Ramës dhe të Bashës.

Pra në sitën e PD-së, në diskutimet e tyre nesër në Kuvend do të kalojë edhe Lulzim Basha.

Sipas Berishës, shqiptarët do të mësojnë nesër të vërtetën dhe se faktet do të shpalosen në parlament për lidhjet që ka kryeministri Rama me McGonigalin.

“Debati i nesërm ka një interes të jashtëzakonshëm kombëtar dhe ndërkombëtar, ndaj dhe ne do të bëjmë gjithçka që ta pasurojmë me çdo element të Edi Ramës dhe McGonigalit në Shqipëri.

Duhet të hetojmë për fitimet direkte të këtij grupi mafioz, me veprimtarinë e tyre mafioze në Tiranë. Duhet hetuar listat e përpiluara dhe shpërndara në të cilat dalin qartë emrat e Edi Ramës, Lulzim Bashës etj.

Pra afera është e pashembullt, kalon nga afera e lobimit për asgjësimin e opozitës, tek lobimi kundër kompanive ruse, për kompani të tjera po ruse.

Se njerëzit kujtojnë se kur dëgjojnë se ai kërkoi që të mos i jipej Yurimex apo si quhej kompania austriake, në pamje të parë austriake sepse ishte Gazprom i Beogradit dhe Vjenës, në një kohë kur lobimi u bë për një kompani tjetër me aksionerë Duçkën, Nezën etj., që rridhte direkt nga Gazprom dhe ndofta, nuk mund të them, me investime edhe të Deripaskës.

Është shumë e rëndësishme që shqiptarët të mësojnë nesër të vërtetën. Edi Rama mashtroi mashtron shqiptarët. Mori në mbrojtje të hapur McGonigalin, ai tha që bënte punën e FBI këtu në Tiranë tek priste gjobat, nuk tha kështu në mënyrë tekstuale, po çfarë bënte ai në restorantet e Tiranës, pyetjes së gazetarit.

Po ajo ishte puna e FBI. Pra puna për të prerë gjoba. Dhe u shpreh se ai nuk ka prerë gjoba, nuk është takuar me biznesmenë, pra u shndërrua në një avokat të tij me moton mos më shit, se nuk po të shes. Të dy do të marrin dënimin, ai nga vendi i tij, Edi Ramën e pret i njëjti dënim në Shqipëri.

Ndaj dhe ka rëndësi që nesër kur sytë e veshët e mbarë shqiptarëve janë drejtuar në parlament ne nuk duhet ti zhgënjejmë, përkundrazi duhet të hedhim dritë, të ndriçojmë me fjalimet tona, me fakte këtë veprimtari që tejkalon çdo gjë tjetër të kësaj natyre këtë shekull. Ky është ‘Uatergate’ i shekullit të 21”, është  shprehur Berisha./CNA.al





Lajmet e fundit nga