web counter
LEXO PA REKLAMA!

SHKARKO APP

App Store
Google Play

Luli tenton të bëjë rolin e opozitarit

2024-04-13 11:24:00, Politikë CNA
Luli tenton të bëjë rolin e opozitarit
Lulzim Basha

Në një konferencë për media, kreu i PD-së së Vulës Lulzim Basha akuzoi Partinë Demokratike dhe maxhorancën se sulmojnë sistemin e drejtësisë.

Zgjohet ndonjëherë fundjavave dhe tenton të bëjë rolin e opozitarit, por ka një problem të madh se të gjithë e dinë skemat e tij, marrëveshjet e fshehta dhe asnjë demokrat nuk e beson në atë që thotë. 

Guxon dhe përmend SPAK-un, por harron vilat luksoze dhe miliardat e rezervuara nga pazaret e tij të pista. 

“Njëra palë sulmon me fjalor të papranueshëm sistemin e drejtësisë, dhe SPAK në veçanti, duke insinutar në demonizimin e imazhit dhe nxirjen e punës së kësaj strukture, kur vjen fjala për hetimin e korrupsionin. Pala tjetër, PS dhe kryeministri i vendit, po bëjnë gjithçka për të pamundësuar hetimet dhe çuarjen para drejtësisë të të korruptuarve. Në veçanti kur tani një numër i madh zyrtarësh janë ose në arrest, ose në hetim për korrupsion”, tha Basha.

Në politikë, Basha përveçse për dështimet do të mbahet mend edhe për marrëveshjen e 17 majit me kryeministrin Edi Rama, për djegien e mandateve apo edhe për dhurimin e pushtetit vendor Ramës. Ai është një "kufomë" politike që pret herë pas here t'i hedhë ndonjë kockë Edi Rama./CNA 

 

 





Lajmet e fundit nga