web counter
LEXO PA REKLAMA!

SHKARKO APP

App Store
Google Play

Financimet ruse/ Berisha: Rama mori peng Bashën, përdori hetimin

2022-09-18 18:30:00, Politikë CNA
Financimet ruse/ Berisha: Rama mori peng Bashën, përdori hetimin
Kryetari i Partisë Demokratike, Sali Berisha

Teksa ka hedhur një sërë akuzash ndaj kryeministrit Edi Rama, kryetari i Partisë Demokratike, Sali Berisha, u ndal edhe tek financimet ruse në PD, në kohën kur e djathta drejtohej nga Lulzim Basha.

Në një takim online me shqiptarë në Itali, Berisha tha Rama përdori hetimet e lobimit rus për të marrë peng Bashën.

Sipas tij, kjo është e faktuar.

?Edi Rama haptas para të gjithë shqiptarëve dhe të gjithë botës, ka dhunuar votën e lirë të të gjithë shqiptarëve me të gjithë mekanizmat.

Me patronazhistët si e vjetër e kohës së diktaturës. Me përdorimin e të gjitha institucioneve shtetërore në funksion të partisë shtet në zgjedhje.

Me skuqjen e rrugëve nga bandat duke vrarë njerëz dhe duke shpërndarë miliona lekë për të blerë votat. Këto janë të faktuara.

E faktuar është se ai Lulzim Bashës pasi i kishte hapur dosjen për financimet siç ka thënë vetë në mars 2018, financime ruse, pasi ishte zotuar para shqiptarëve se do t?i shkonte deri në fund hetimit, përdori hetimin për të marrë peng kreun e opozitës?, theksoi kreu i demokratëve./ B.A. ? CNA.al





Lajmet e fundit nga