web counter
LEXO PA REKLAMA!

SHKARKO APP

App Store
Google Play

Dëmtimi i librave që merren falas/ Rama paralajmëron sanksione për prindërit

2022-09-11 19:30:00, Politikë CNA
Dëmtimi i librave që merren falas/ Rama paralajmëron sanksione
Kryeministri Edi Rama

Kryeministri Edi Rama ka paralajmëruar marrjen e një sanksioni për prindërit e fëmijëve që marrin libra falas.

Gjatë fjalës së tij në prezantimin e Abetares së përbashkët Kosovë-Shqipëri, Rama tha se fëmijët që nuk i mbajnë mirë librat e marrë falas dhe i dorëojnë në gjendje të papërdorshme, vitin tjetër do t’i blejnë.

“Kam ndjekur disa komente për librat që kalojë dorë më dorë, që jepen falas në vendin tonë, ka një cikël tre vjeçar dhe pretendimet janë që janë të përdorur dhe nuk janë të rinj… duhet kuptuar që kjo nuk është çështje parash, kjo është politike, që nuk e kemi shpikur ne dhe që e bëjnë vende shumë të pasura sesa ne… Synon edukimin e fëmijëve se libri është pasuri që ndahet me të tjerët, që është një vlerë që nuk të përket vetëm ty…

Libri duhet të jetojë edhe përtej kohës që të duhet ty për ta mësuar. Është e rëndësishme që këtë gjë ta shpjegojnë dhe mësuesit për fëmijët dhe mësuesit, dhe mbase duhet përcaktuar një rregull se ata që librat i dorëzojnë në gjendje që nuk mund të përdoren më, në vitin tjetër t’i blejnë librat, mos t’i marrin më falas. Nuk bëhet fjalë për shumicën, ata bëjnë gjënë e duhur, por për atë pakicë që nuk e bënë këtë duhet të ketë dhe një sanksion”, theksoi kreu i qeverisë./ B.A. - CNA.al





Lajmet e fundit nga