web counter
LEXO PA REKLAMA!

SHKARKO APP

App Store
Google Play

I shqetësuar për arsimin/ Meta i kërkon Ramës fonde

2022-09-11 18:04:00, Politikë CNA
I shqetësuar për arsimin/ Meta i kërkon Ramës fonde
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, është shprehur i shqetësuar për arsimin, teksa ka mbetur vetëm një ditë nga nisja e vitit të ri shkollor.

Në një deklaratë për mediat, Meta kritikoi deklaratën e ministrit të Brendshëm, Bledi Çuçi, se pa krim nuk ka zhvillim.

Gjithashtu, ai i kërkoi kryeministrit Edi Rama fonde të veçanta për arsimimin e fëmijëve të familjeve që janë prekur nga kriza e çmimeve.

“Javën e kaluar dëgjuam një deklaratë shokuese nga ministri i Brendshëm, ku shprehej se pa krim nuk ka zhvillim, një deklaratë e papranueshme nga përfaqësuesi i qeverisë, i cili ka detyrën kryesore për të luftuar krimin. Nga përfaqësues i qeverisë është kthyer në promovues të krimit dhe antivlerave.

Në fakt, duhet thënë me forcë dhe duhet punuar akoma më me forcë, pa arsim nuk ka zhvillim, dhe sidomos zhvillim të qëndrueshëm. Zhvillimin e sjell vetëm një arsim cilësor, me mësues të motivuar. Vetëm arsimi i prioritet kombëtar sjell zhvillim. Nesër nis viti shkollor. Përfitoj nga rasti për të uruar mësuesit dhe nxënësit për një vit të ri sa më produktiv. Brezi i ri është shpresa jonë më e madhe. Vendi ynë ka nevojë për politika kombëtare për arsim. Arsim cilësor pa buxhetim nuk mund të ketë.

Buxheti për arsim në qeverisjen aktuale është më i ulëti, ka sjellë braktisjen e shkollës, analfabetizmi funksional, braktisja e shkollave. Demotivimi i thellë i personelit arsimor edhe për shkak të politizimit ekstrem. Nëse arsimi do të ishte një rrugë e sigurt drejt tregut të punës, epidemia e shpopullimit masiv nuk do të kishte patur vend në Shqipëri. Ne duhet të kemi një qasje mbështetëse ndaj mësuesve. Kriza e çmimeve ka bërë që mijëra fëmijë dhe familje të rrezikohen. Sipas vetë INSTAT, tregohet një shtrenjtim i arsimit në çdo vend studimi. Qeveria duhet të kishte dedikuar fonde të veçanta për këto familje”, theksoi Meta./ B.A. – CNA.al





Lajmet e fundit nga