web counter
LEXO PA REKLAMA!

SHKARKO APP

App Store
Google Play

Shënim/ PD-ja e Berishës po ia kalon asaj të Lulit

2022-09-11 16:44:00, Politikë CNA
Shënim/ PD-ja e Berishës po ia kalon asaj të Lulit
Kryetari i Partisë Demokratike, Sali Berisha dhe ish-kryetari, Lulzim Basha

Nuk është e rastësishme, por duket se dita ditës Partia Demokratike e Sali Berishës po ia kalon asaj të Lulit.

Partia Demokratike, kur drejtohej nga Lulzim Basha u akuzua për klientelizëm, korrupsion, që shitej e blihej nga Edi Rama, që keqpërdorej.

Akuza ka pasur edhe që heshtej kur duhej të flitej dhe flitej kur duhej të heshtej, e shumë të tjera si këto.

CNA.al ka sjellë së fundmi dy raste. Një është ajo e inceneratorëve, ku ende sot e kësaj dite, PD-ja nuk ka folur në asnjë moment me emër për “Top Channel” e Vjollca Hoxhën dhe ortakëritë e saj. Sepse mesa duket “Top Channel” diku e ka kapur PD-në zyrtare të Sali Berishës.

Nuk flet as për Irfan Hysenbelliun dhe paratë e inceneratorëve që kanë marrë, as për mediat e tjera, por tregojnë përralla me kompani nga Bullgaria. Ato histori i dinë të gjithë. Çështja është për televizionet.

Kush do të flasë për televizionet, për ortakëritë e Vjollca Hoxhës, Irfanit, Carlo Bolinos, për pagesat e shumë të tjera?

Shënim/ PD-ja e Berishës po ia kalon asaj të Lulit
Fotomontazh - Vjollca Hoxha dhe Irfan Hysenbelliu

Rasti i dytë dhe më flagranti është ai që ka denoncuar CNA.al sot. Me një denoncim të pretenduar, Ledina Mandia na tha dje se ishte dhënë me një euro qira një sipërfaqe trualli.

Në fakt, sipërfaqet e truallit duhen zhvilluar dhe  historia e marrjes me 1 euro për të investuar nuk është e sotmja.

Ka qenë një projekt i filluar nga qeveria Berisha dhe dhënia e pronave me një euro zhvillon këto prona, pasi ka troje, reparte ushtarake dhe shumë prona të shtetit të braktisura që nuk janë në efiçencë, ndërkohë që me një qira do të zhvillohen dhe kjo ka qenë e saktë nga qeveria e Berishës.

Por çfarë ndodhi?

Tani PD-ja e Saliut u bë njësoj si e Lulit. Dje doli dhe foli për një rast, por nuk foli për dhjetë të tjera se me ligjin e qeverisë së Berishës janë dhënë dhjetëra. Kurse PD-ja e Saliut del ashtu siç dilte Luli, me dy standarte, në mënyrë sporadike për një flet dhe për një hesht.

Shënim/ PD-ja e Berishës po ia kalon asaj të Lulit
Kryetari i Partisë Demokratike, Sali Berisha

Hesht për klientelën e saj, apo kërkon gjoba siç vinte partia e Bashës?

Çfarë po ndodh në korridoret e partisë? A mund të jetë PD-ja prap me dy standarte?

Kështu do të ngelet shumë gjatë në opozitë, duke mos folur për ata që duhet të flasë dhe duke mos i thënë të gjitha gjërat siç duhet dhe drejt, pra duke përdorur dy standarte. Pa folur pastaj për sulmin ndaj biznesit.

Si mundet një parti e djathtë të sulmojë biznesin?

Nuk sulmohet biznesi. Nëse ke për të sulmuar, sulmo Qeverinë, por kur Qeveria po zbaton dhe po jep kontrata me ligjet që ke bërë ti, përse duhet të sulmohet biznesi? Pse përdoren dy standarte? Se këtu lindin pikëpyetje, duket njësoj si në kohën e Lulit, për shantazh, për presion, për gjoba, se opozitarizëm nuk është ky. Ky është palaçollëk publik./ CNA.al





Lajmet e fundit nga