web counter
LEXO PA REKLAMA!

SHKARKO APP

App Store
Google Play

“Berisha është vetë vula e gjallë e PD-së”/ Meta komenton çështjet e selisë blu: Jam online me demokratët

2023-03-07 12:08:00, Politikë CNA

“Berisha është vetë vula e gjallë e PD-së”/

Kreu i Partisë së Lirisë, Ilir Meta ka deklaruar se kandidatët e dalë nga primaret e PD-së,  janë superkandidatë fitues në 14 maj.

Sipas tij,  asnjë mekanizëm nuk i ndalon ata që të jenë fitues në zgjedhjet vendore.

Meta ka komentuar edhe çështjet e brendshme të PD-së, duke thënë se frika dhe Berisha s’kanë lidhje me njëra tjetrën

“Ne kemi vetëm një kusht për të luftuar për lirinë e gjithë shqiptarëve, nga pengmarrësi Edi Rama dhe majonetat e tij. Sot dua të bëj një premtim për mësuesit dhe pedagogët. Ata detyrohen që të bëjnë dhe detyrën e patronazhistëve, ndaj fëmijëve, nxënësve, studentëve dhe prindërve të tyre. Kjo është një gjë që një pjesë e tyre janë të detyruar që ta bëjnë, se gjenden në shantazh nga drejtorët dhe drejtuesit e rilindjes që kriter kryesor kanë këtë regjim. Si fëmijë i dy prindërve arsimtar, është se figura e arsimtarit duhet të jetë e shenjtë. Politika nuk duhet të ndikojë në statusin e tyre, është shprehur ai.

Sipas tij, Berisha është vetë vula e gjallë e PD, në kuptimin e frymëzimit dhe të gjithë aspekteve të tjera pozitive.

 “Në 6 mars nuk kam qenë në koalicion me zotin Berisha sepse nuk kam qenë kryetar. Megjithatë jam krenar që firmosa për t’i dhënë mundësi, Shqipërisë, shqiptarëve dhe të gjithë botës se kush është opozita e vërtetë. Opozita që duan shqiptarët që ishin të tradhtuar nga opozita false që i fali reformën në drejtësi Ramës. Jam online me zotin Berisha dhe me demokratët e vërtetë.”, ka thënë më tej Meta./CNA.al





Lajmet e fundit nga