web counter
LEXO PA REKLAMA!

SHKARKO APP

App Store
Google Play

E fundit!

x

Afera e inceneratorëve/ Brisida Shehaj: S’kam pritshmëri tek organet e drejtësisë

2022-11-17 21:12:00, Politikë CNA
Afera e inceneratorëve/ Brisida Shehaj: S’kam pritshmëri tek
Koordinatorja Kombëtare e Luftës kundër Korrupsionit në Partinë e Lirisë, Brisida Shehaj

Koordinatorja Kombëtare e Luftës kundër Korrupsionit në Partinë e Lirisë, Brisida Shehaj, ka folur për 11 urdhër-arrestet e lëshuara për aferën e inceneratorëve nga SPAK, ku nuk ishte ishte asnjë emër zyrtarësh shtetërorë.

Në një prononcim për CNA.al, Shehaj u shpreh mosbesuese përsa i përket punës së organeve të drejtësisë për megaaferën për të vënë në pranga zyrtarë, pasi theksoi se kjo gjë duhet të kishte ndodhur.

Ajo deklaroi se nuk ka më ndonjë pritshmëri tek institucionet dhe tek organet e drejtësisë, pasi u shpreh se kapja e ?peshqe të mëdhenj? nuk është një nder për shqiptarët.

?Unë siqerisht nuk di më çfarë të mendoj. Këto duhet të kishin ndodhur, kanë kaluar dy vjet. Një vit e gjysmë që nga denoncimet që ka bërë LSI-ja asokohe, që në mars të vitit 2021 që ka filluar dhe ne ende nuk kemi ende fillime të hetimeve të hetimeve të inceneratorit të Tiranës, kemi një mbyllje të hetimeve të inceneratorit të Elbasanit, për të cilin nuk është bërë pjesë as bashkia e Elbasanit, institucioni nga i cili filloi gjithçka, nuk kemi parë që as zyrtarët për monitorimin e kontratës, nuk shohim asnjë të arrestuar se këtu përgjegjësinë po e mban të gjithën Lefter Koka, i cili nga viti 2017 nuk është më as ministër, që do të thotë 2017 deri në 2022-shin, që i thonë 5 vite, këto institucione shtetërore çfarë kanë bërë që kanë lejuar të paguhen dhe të merren të gjitha paratë, siç janë paguar të gjitha paratë për Fierin dhe Elbasanin.

Kështu që nuk mendoj se do kemi më ndonjë pritshmëri tek institucionet e tek organet e drejtësisë, apo të na duket sikur po na bëjnë ndonjë nder dhe ne po presim po hë se po kapin ndonjë ?peshk të madh??, theksoi Shehaj./ B.A. ? CNA.al





Lajmet e fundit nga