web counter
LEXO PA REKLAMA!

SHKARKO APP

App Store
Google Play

E fundit!

x

Meta ‘i jep mend’ Qeverisë për krizën energjetike/ 'Po injoron investimet'

2022-11-17 20:29:00, Politikë CNA
Meta ‘i jep mend’ Qeverisë për krizën energjetike/
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta ka kritikuar qeverinë për menaxhimin e krizës energjetike.

Teksa përmend Samitin e Ballkanit Perëndimor në Norvegji, Meta thotë se tregu rajonal i energjisë, fillon duke respektuar Bllokun e Kontrollit të Pavarur të Operimit.

Me anë të një statusi në rrjetet sociale ai deklaron se Qeveria po injoron investimeve të realizuara në sektorin energjetik nga shqiptarët dhe donatorë shumë të rëndësishëm si Banka Botërore, KFË dhe EBRD me Ballkanin e Hapur.

“Samiti i Ballkanit Perëndimor - Norvegji:

Tregu rajonal i energjisë, fillon duke respektuar Bllokun e Kontrollit të Pavarur të Operimit, ku ti vetë je pjesë.

Shqipëria është në një bllok kontrolli bashkë me Kosovën, e cila nuk përfaqësohej në takimin e Beogradit.

Ndërsa Serbia është bllok kontrolli i pavarur së bashku me Malin e Zi dhe Maqedoninë e Veriut, të cilat përfaqësoheshin të plota në Beograd.

Shqiptarët duhet ta dinë se shkëmbimet tregtare të energjisë midis Kosovës dhe Serbisë janë zero.

Si mund të flasësh për treg rajonal apo bashkim tregjesh, kur ende nuk ke në operim tregun lokal të energjisë?

Bursa Shqiptare e Energjisë ka si aksionerë OST dhe KOSTT.

Të mendosh që tregu energjisë zgjidhet nga Ballkani Hapur, është injorim i investimeve të realizuara në sektorin energjitik nga shqiptarët dhe donatorë shumë të rëndësishëm si Banka Botërore, KFË dhe EBRD.

Kriza energjitike në Shqipëri, ka sot shkak kryesor modelin ekonomik që ky sektor zbaton këto 10 vitet e fundit.

Shumë pak investime në rritjen e prodhimit të energjisë nga burimet tona natyrore dhe asnjë investim për prodhimin e energjisë nga gazi natyror”, shkruan kreu i PL-së./ B.A. – CNA.al





Lajmet e fundit nga