E fundit!

10:26 CRIME

Police operation in Tirana/ Over 1 kg of heroin seized, 2 arrested

A police operation codenamed "Zonet" has ended with the se...

Me cilin Ilir u takuat zonja Ambasadore, me atë me “J” apo me atë pa “J”?

2022-09-26 17:53:00, Opinione Enton Alliu

Me cilin Ilir u takuat zonja Ambasadore, me atë me “J” apo me

Ilir Meta dhe Yuri Kim

Disa ditë më parë, zonja ambasadore e SHBA-ve në Tiranë pati një takim me kryetarin e Partisë së Lirisë në ish selinë e LSI-së, kur përveç Ilir Metës me “J”, ishin të pranishëm nga pala e Partisë së Lirisë edhe deputetët Petrit Vasili dhe Erisa Xhixho, i pari përherë i gjendur pranë Ilirit edhe pse vetëm me 362 vota gjithësej, dhe e dyta ish nënkryetare e LSI-së, si edhe çifti Brahimllari - Kërpaçi “burrë e grua” si imitim i modelit të Ilirit me Monikën.

Kjo është ana protokollare e takimit. Për anën përmbajtësore na informojnë dy burime.

Burimi i parë vetë Ilir Meta me “J”, edhe pse në profilin e tij zyrtar në fb nuk e ka shtuar “J-në” që ia kishin “ngrënë” padrejtësisht.

Ja çfarë na thotë ai:

“Sot mirëprita në selinë e Partisë së Lirisë Ambasadoren e Shteteve të Bashkuara të Amerikës, znj. Yuri Kim. Ishte kënaqësi të diskutonim hapur dhe në mënyrë konstruktive mbi bashkëpunimin e Partisë së Lirisë me SHBA, në interes të forcimit dhe intensifikimit të partneritetit strategjik midis Shqipërisë dhe SHBA, përmbushjes të detyrimeve tona si vend anëtar i NATO-s, si dhe reformave prioritare të përshpejtimit të integrimit europian të Shqipërisë dhe Ballkanit Perëndimor në BE”.

Ndërsa burimi i dytë është vetë ambasada e SHBA-ve në Tiranë, e cila na ofron një tjetër informacion, të ndryshëm nga ai që nxitoi të na servirte Ilir Meta me “J”.

Dhe ja konkretisht se çfarë thotë ambasada:

“Ambasadorja e Shteteve të Bashkuara Yuri Kim u takua sot me Kryetarin e Partisë së Lirisë, si pjesë e takimeve të saj të vazhdueshme me udhëheqës politikë shqiptarë. Ajo përsëriti nevojën që partitë politike të bashkohen për t’u përfshirë në dialog konstruktiv që forcon demokracinë, lufton korrupsionin dhe çon përpara negociatat e Shqipërisë për anëtarësim të plotë në BE”.

Për këdo që di të lexojë jo vetëm gjuhën diplomatike, por edhe gjuhën shqipe, diferencat janë të dukshme. Sepse ndërsa kryetari i Partisë së Lirisë na thotë se: “Ishte kënaqësi të diskutonim hapur dhe në mënyrë konstruktive mbi bashkëpunimin e Partisë së Lirisë me SHBA”, ( vetëm ky zotëria mind ta kuptojë se si mundet që një parti e vogël në Shqipëri mund të ketë marrëdhënie me SHBA!), ambsada nga ana tjetër na thotë se: “Ajo (pra ambasadorja, shënimi im), përsëriti nevojën që partitë politike të bashkohen për t’u përfshirë në dialog konstruktiv që forcon demokracinë, lufton korrupsionin…”.

Se sa konstruktiv është shfaqur Ilir Meta me “J” nuk është e vështirë të kuptohet, boll të referojmë dhe analizojmë retorikën e tij të mbushur me shprehje halabakësh nga ato që ia ka mësuar Shik Stërmasi me të fortët e Pazarit të Ri të tipit “unë të gjuaj vetë”, “i gjuaj më të fortit”, “të thyej në mes” apo më të fundit “Edi Rama është legen” apo etiketimin “fëlliqësira” për autoritetin e dosjeve.

Pra, mesazhi është i qartë; Ilir Meta me “J” apo pa “J” qoftë duhet të kafshojë gjuhën dhe “të bashkohet për t’u përfshirë në dialog konstruktiv që forcon demokracinë”, edhe pse ai ka dëshmuar që i përket një filozofie tjetër e nuk ka lidhje as gjuha dhe as sjellja e tij politike me “dialogun konstruktiv që forcon demokracinë”.

Ndërkaq, zonja ambasadore duhet të na sqarojë një paqartësi, me cilin Ilir u takua, me atë me “J” apo me atë pa “J” ?

Sepse, në njoftimin e ambasadës në gjuhën shqipe, thuhet vetëm se: “Ambasadorja e Shteteve të Bashkuara Yuri Kim u takua sot me Kryetarin e Partisë së Lirisë, si pjesë e takimeve të saj të vazhdueshme me udhëheqës politikë shqiptarë”.

Ndërsa, në të njejtin njoftim të ambasadës, por në gjuhën angleze thuhet se: “ U.S. Ambassador Yuri Kim met ëith Freedom Party Chairman Ilir Meta today as part of her ongoing meetings ëith Albanian political leaders”.

Me cilin Ilir u takuat zonja Ambasadore, me atë me “J” apo me