web counter
LEXO PA REKLAMA!

SHKARKO APP

App Store
Google Play

E fundit!

x

Denis Dollapi, në koma prej 12 vitesh/ Noizy thyen heshtjen për plagosjen e fansit të Stresit

2022-08-16 20:57:00, Lifestyle CNA
Denis Dollapi, në koma prej 12 vitesh/ Noizy thyen heshtjen për
Fotomontazh - Noizy dhe Stresi në koncert, Denis Dollapi në shtrat

Dy netë më parë, reperët Arkimed Lushaj (Stresi) dhe Rigels Rajku (Noizy), kënduan së bashku mes përqafimeve dhe puthjeve në koncestin “Alpha Show”, duke sheshuar rivalitetet mes tyre.

Por përtej mesazheve që ata dhanë në koncert, teksa kthehemi pas në kohë, konkretisht në prill të 2010-ës, një sherr mes fansave të dy reperëve solli pasoja të rënda.

Fansi i Stresit, Denis Dollapi, u plagos rëndë dhe që prej vitit 2010 dergjet ende në shtrat, në gjendje kokme. Për këtë ngjarje ka folur sot vetë Noizy, i cili u shpreh se në atë gjendje nuk do donte të shihte as armikun më të madh.

Fajin për gjithçka ai ia vuri moshës, duke argumentuar në Euronews Albania se kjo është pendesa e tij më e madhe.

“Pjesëtarët kryesorë nuk kanë pasur lidhje fare në këtë ngjarje. Atëherë ziheshin fansat e Noizyt dhe të Stresit, përveç nesh që kishim problemet tona, edhe ndjekësit tanë kishim probleme në lagje, klasa dhe rrugë. Incidenti ka ndodhur që fansat e dy grupeve kanë bërë problem mes vetes dhe fatkeqësisht një nga djemtë e palës tjetër ka pësuar koma. Unë ashtu nuk dua të shoh as armikun më të madh. Është për të ardhur keq.

Muzika hip hop është ndërtuar me këto lloj zënkash me muzikë, por që në Shqipëri ndodh pak më ekzagjeruar, shkojnë deri në prekje fizike, ndërkohë që jashtë shtetit ndodh vetëm me muzikë. Ngaqë jemi një vend i vogël dhe do s’do Tirana është e vogël dhe takohesh dhe në rrugë. Gjaku i shqiptarit është pak i nxehtë dhe bën që prekesh fizikisht.

Kjo bëhet fjalë kur kemi qenë 20 vjeç, tani jam 35 dhe nuk është e bukur të shohësh një burrë të zihet për muzikë. 100% është mosha, nuk besoj se unë kam qenë ai person atëherë, mendoj se kam qenë një tjetër person, kur e shikoj sot. Por është një kohë e gjatë dhe nuk do ia kisha uruar asnjë artisti ose të riu të përfundonin gjërat ashtu. 100% është pendesa më e madhe. Nuk do doja t’i kisha këto gjëra në biografinë time”, theksoi ai./ B.A. – CNA.al





Lajmet e fundit nga