web counter
LEXO PA REKLAMA!

SHKARKO APP

App Store
Google Play

Kapen mbi 200 mijë euro në Muriqan/ Dyshohet se janë përfituar nga aktiviteti kriminal

2022-08-25 15:53:00, Kronika CNA
Kapen mbi 200 mijë euro në Muriqan/ Dyshohet se janë
Paratë e sekuestruara

Goditet një tjetër rast i mosdeklarimit të parave në kufi.

Shërbimet e Pikës Kufitare Muriqan, në bashkëpunim me homologët në Mal të Zi dhe me specialistët e Seksionit për Hetimin e Krimit Ekonomik e Financiar në DVP Shkodër, në dalje të RSH-së, kanë kaluar në vijën e dytë, për kontroll më të imtësishëm, automjetin tip “Benz”, me drejtues shtetasin I.B.

Gjatë kontrollit u gjetën dhe sekuestruan 202 060 euro, të cilat ky person nuk i kishte deklaruar sipas përcaktimeve ligjore në fuqi. Gjithashtu, kjo shumë parash dyshohet se është përfituar nga veprimtari kriminale.

Në përfundim të veprimeve hetimore, specialistët e Seksionit për Hetimin e Krimit Ekonomik e Financiar në DVP Shkodër referuan materialet në Prokurori dhe nisi procedimi penal në gjendje të lirë për shtetasin I. B., 53 vjeç, banues në Shkodër, për veprat penale "Mosdeklarimi në kufi i të hollave dhe i sendeve me vlerë" dhe “Pastrimi i produkteve të veprës penale ose veprimtarisë kriminale”.

Aktualisht po vijon puna për zbardhjen dhe dokumentimin e plotë ligjor të këtij rasti.

Ndërkaq, materialet iu referuan Prokurorisë së Rrethit Gjyqësor Shkodër, për veprime të mëtejshme./ B.A. – CNA.al





Lajmet e fundit nga