web counter
LEXO PA REKLAMA!

SHKARKO APP

App Store
Google Play

E rëndë në Britani/ Vritet me thikë i riu shqiptar

2026-02-17 13:35:00, Kronika CNA

E rëndë në Britani/ Vritet me thikë i riu shqiptar

Një ngjarje e rëndë ka ndodhur në jug të Londrës dy ditë më parë, ku u sulmuame thikë një 22-vjeçar shqiptar. Ai u gjet me plagë të shkaktuara me thikë në orët e para të mëngjesit në Parkun Tregtar Valley në Croydon.

Pavarësisht se u dërgua në spital, ai nuk ka mundur t’i mbijetojë plagëve të shumta dhe si pasojë ndërroi jetë. Lidhur me vrasjen, policia ka ndaluar dy 25-vjeçare dhe një 28-vjeçar. Sipas BBC-së, njëra nga vajzat u lirua me kusht, por vijon të jetë në hetim.

Familjarët e të riut, L.A., kanë reaguar për ngjarjen e rëndë dhe shprehen se janë të shkatërruar nga humbja e tij.

“Ne, prindërit e tij, vëllai, e dashura, gjyshërit dhe familja e miqtë e tij e deshëm shumë. Një dritë është shuar në jetën tonë dhe jemi të shkatërruar pa fjalë nga humbja e tij. Ju lutemi të respektoni privatësinë në këtë kohë”, thuhej në reagimin e tyre.

Në vendin e ngjarjes u gjetën të plagosur me thikë edhe dy djem, të moshës 21 vjeç, të cilët janë arrestuar me dyshimin për përleshje. Njëri ka lëndime që mund t'i rrezikojnë jetën dhe mbetet në spital. Tjetri është marrë në paraburgim pasi është liruar nga spitali.

Ndërkohë dy vajza të tjera, të moshës 21 dhe 22 vjeç, janë ndaluar gjithashtu me dyshimin për përfshirje në ngjarje. 21-vjeçarja është liruar me kusht ndërsa tjetra vijon të jetë në paraburgim. Hetimet lidhur me ngjarjen tronditëse vijojnë. /CNA





Lajmet e fundit nga