web counter
LEXO PA REKLAMA!

SHKARKO APP

App Store
Google Play

Dyshimet e forta/ Telefoni i Ervis Martinajt ka pulsuar jashtë Shqipërisë

2023-02-19 09:04:00, Kronika CNA

Dyshimet e forta/ Telefoni i Ervis Martinajt ka pulsuar jashtë

Dyshime të forta janë ngritur nga gazetarja Keti Banushi në lidhje me Ervis Martinajn, bosin e shumëkërkuar të lojërave të fatit, i cili rezulton i zhdukur që prej gushtit të 2022-shit.

Banushi tha në një intervistë me Jonida Shehun se telefoni i Martinajt ka pulsuar jashtë Shqipërisë.

Ajo theksoi se ky informacion nuk është i konfirmuar, por e ka mësuar në rrugë jozyrtare e sipas saj kjo ka qenë edhe një nga arsyet se përse prokuroria ka ndryshuar qasjen mbi pistat e zhdukjes.

“U tha fillimisht, por jo në kuadër të konfirmuar nga policia se telefoni i tij ka pulsuar jashtë Shqipërisë dhe kjo ngriti dyshimin që mund të jetë gjallë. Kjo ka ndryshuar qasjen e prokurorisë dhe u dyshua për një inskenim të zhdukjes nga ana e Vis Martinaj.

Nuk them që të gjitha këto janë të vërteta, i kemi me burime dhe nuk është se janë informacione të konfirmuara zyrtarisht. Është një çështje që mbahet shumë hermetike dhe askush nuk jep informacion dhe ne duhet të flasim në bazë të indormacioneve që kemi me burime”, deklaroi gazetarja./ B.A. – CNA.al





Lajmet e fundit nga