Eksploziv në banesë dhe dyqan/ Identifikohet autori në Dibër, zbardhet motivi

2024-01-04 10:58:00, Kronika CNA

Eksploziv në banesë dhe dyqan/ Identifikohet autori në

Aksioni i policisë

Zbardhet në kohë rekord një ngjarje në Dibër, kur një 42-vjeçar ka vendosur eksploziv në banesën dhe biznesin e një personi.

Policia ka identifikuar si autori 42-vjeçarin me iniciale E.L, i cili për shkak të një konflikti të mëparshëm me shtetasin A.C., ka shkuar pranë banesës së këtij të fundit, ku ka vendosur dhe ka shpëthyer një sasi e vogël lëndë plasëse eksploziv pa shkaktuar dëme.

Ndërkohë në portën hyrëse të dyqanit të shtetasit A.C., ka vendosur një tjetër sasi lënde plasëse eksploziv, dhe nga shpërthimi janë shkaktuar dëme të vogla materiale.

Njoftimi i Policisë:

Vendosi lëndë eksplozive në afërsi të banesës dhe dyqanit të një 54-vjeçari, Policia zbardh në kohë rekord ngjarjen, identifikon dhe arreston autorin e dyshuar.
Autori i dyshuar, një 42-vjeçar(i dënuar më parë për disa vepra penale, dhe aktualisht vuan dënimin alternativ 'Shërbim prove' ).
Sekuestrohen një armë zjarri pushkë, 87 copë fishek, 4 granata dore, 5 copë ndezëse granatash, 4 metër fitil zjarrpërcjellës, 2 targa të një automjeti në pronësi të një shtetasi tjetër dhe një aparat celular.
Strukturat hetimore të Drejtorisë Vendore të Policisë Dibër, në bashkëpunim me shërbimet e Komisariatit të Policisë Mat, në vijim të punës për zbardhjen dhe dokumentimin e ngjarjes së ndodhur në mesnatë në lagjen "Drita", në qytetin e Burrelit, bazuar dhe në informacionet e siguruara nga inteligjenca informative, kanë organizuar dhe finalizuar me sukses operacionin policor të koduar "Eksplozivi".
Si rezultat i këtij operacioni u bë arrestimi i shtetasit E. L., 42 vjeç, banues në Burrel, i dënuar më parë për disa vepra penale në fushën e krimeve ndaj personit dhe pasurisë, dhe aktualisht vuante dënimin alternativ 'Shërbim prove'.
Nga veprimet hetimore dhe provat e siguruara dyshohet se 42-vjeçari, për shkak të një konflikti të mëparshëm me shtetasin A.C., ka shkuar pranë banesës së këtij të fundit, ku ka vendosur dhe ka shpëthyer një sasi e vogël lëndë plasëse eksploziv pa shkaktuar dëme.
Gjithashtu, në portën hyrëse të dyqanit të shtetasit A.C., ka vendosur një tjetër sasi lënde plasëse eksploziv, dhe nga shpërthimi janë shkaktuar dëme të vogla materiale.
Në cilësinë e provës materiale, 42-vjeçarit, iu gjetën dhe sekuestruan një armë zjarri pushkë, 87 copë fishek, 4 granata dore, 5 copë ndezëse granatash, 4 metër fitil zjarrpërcjellës, 2 targa të një automjeti në pronësi të një shtetasi tjetër dhe një aparat celular.
Ky shtetas, dyshohet se është autor dhe i disa ngjarjeve të mëparshme me eksploziv në Burrel, për të cilin në bashkëpunim me Prokurorinë vijojnë hetimet intensive për zbardhjen dhe grumbullimin e provave, si dhe identifikimin e kapjen e bashkautorëve të tjerë të përfshirë në këto ngjarje.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme./CNA