E fundit!

22:50 CRIME

Wanted for favoring illegal construction. Former Saranda police chief surrenders

This evening, former police chief Irakli Koçiaj, who has b...

Russia builds a "ghost" navy to avoid Western sanctions

2022-12-11 08:18:00, Kosova & Bota CNA

Dyshohet se Rusia ka përgatitur një flotë ?fantazmë? prej më shumë se 100 cisternash, të regjistruara si jo-ruse, për të anashkaluar sanksionet perëndimore të vendosura ndaj naftës së Moskës për shkak të pushtimit rus të Ukrainës.

Këto anije të ngarkuara me naftën ruse, të cilat brenda Bashkimit Evropian i nënshtrohen blerjes në kufirin maksimal të vendosur së fundmi prej 60 dollarësh për fuçi, mund të përdoren ose pa sigurimin e nevojshëm nga kompanitë e fushës, duke vënë në këtë mënyrë në rrezik edhe ekuipazhet. Ose operacionet mund të kryhen nëpërmjet operatorëve jo rusë, që janë të përjashtuar nga sanksionet.

Si funksionon kufiri tavan i çmimit të naftës?

Kufiri tavan i çmimit të naftës, mbi të cilin kanë rënë dakord së fundmi vendet e Bashkimit Evropian, i parandalon cisternat e mëdha që transportojnë naftën ruse të kenë qasje në kompanitë perëndimor të sigurimit, përveç rastit kur nafta e papërpunuar shitet nën 60 dollarë për fuçi, siç është vendosur nga Brukseli në marrëveshje me vendet e tjera të G7-ës.

Pa pasur asnjë sigurim, cisternat nuk do të mund të ankorohen në portet ndërkombëtare, duke penguar kësisoj shitjen e ngarkesave të tyre. Objektivi i kufirit tavan të çmimit të naftës ruse është të reduktojë ndjeshëm të ardhurat e Moskës, duke mbajtur të paprekura dërgesat e naftës që vijnë nga Federata Ruse, në mënyrë që të ndikojë tek kapaciteti i shpenzimeve ushtarake të Kremlinit.

Nëse sanksionet do të funksiononin si duhet, Rusia do të humbiste rreth 60 miliardë dollarë në vit. Një shifër shumë më e ulët se sa kërkohet nga Polonia dhe grupi i punës që është marrë me sanksionet Jermak-Mekfoll, i udhëhequr nga kreu i zyrës së kabinetit ukrainas, Andrij Jermak dhe ish-ambasadori i SHBA-së në Rusi, Majkëll Mekfoll.

Sipas studimit të paraqitur nga grupi, dhe i mbështetur nga Polonia, pragu i përshtatshëm për ta dëmtuar realisht ekonominë ruse duhet të ishte rreth 30-35 dollarë për fuçi. Në atë nivel, të ardhurat nga eksportet e naftës ruse do të përgjysmoheshin, duke zbritur në rreth 100 miliardë dollarë.

Përkundrazi, me kufirin aktual të çmimit prej 60 dollarësh për fuçi, Rusia do të jetë ende në gjendje të arkëtojë afro 200 miliardë dollarë të ardhura në vit, dhe presioni financiar mbi vendin nuk do të jetë i mjaftueshëm për ta vënë atë në vështirësi serioze.

Flota fantazmë dhe bllokimet e trafikut në Turqi

Megjithëse kufiri i çmimit nuk do të jetë në gjendje ta dëmtojë shumë eksportet e Rusisë, situata e pasigurt ekonomike e këtij vendi dhe shpenzimet e mëdha ushtarake që po rëndojnë mbi buxhetin e shtetit, bëjnë që Moska t?i frikësohet humbjes së çdo lloj të ardhure të mundshme.

Prandaj, sipas Financial Times, nga shkurti i këtij viti, Kremlini ka nisur të blejë në fshehtësi dhjetëra cisterna, të cilat sapo mbërrinin në ujërat ruse, zhdukeshin nga radarët e kompanive të energjisë dhe të transportit detar.

Anijet të tilla janë me origjinë iraniane dhe venezueliane, dhe mund të drejtohen pa pasur nevojën e një garancie nga një kompani sigurimesh apo nëpërmjet palëve të treta, në mënyrë që t?i vështirësonin kontrollet dhe të shmangnin sanksionet.

Për këtë arsye, Turqia ka nisur të vendosë kontrolle të reja për sigurimin e të gjitha anijet që mbërrijnë nga Deti i Zi, duke kërkuar nga kompanitë e mëdha të sigurimeve të japin garanci shtesë dhe garanci mbrojtjeje dhe dëmshpërblimi, të cilat mbulojnë edhe rrezikun e shkeljes së sanksioneve.

Megjithatë, sipas asaj që i thanë Financial Times zëdhënësit e sigurimeve, ofruesit e këtij shërbimi nuk mund të garantojnë këtë lloj sigurimesh, pasi kjo do t'i bënte joefektive sanksionet. Prandaj, kjo situatë ka krijuar një bllokim të madh të trafikut të cisternave rreth brigjeve turke, ku shumë anije të tilla presin në radhë që nga 29 nëntori që të kalojnë Bosforin dhe Dardanelet. Një situatë e krijuar nga autoritetet turke, e cila rrezikon të ngadalësojë flukset globale të naftës, madje edhe përtej eksporteve ruse.

Përkthyer nga CNA.al