web counter
LEXO PA REKLAMA!

SHKARKO APP

App Store
Google Play

Skandali me McGonigal/ Thyen heshtjen drejtori i FBI-së: Do hedhim dritë mbi ngjarjen

2023-01-27 22:56:00, Aktualitet CNA
Skandali me McGonigal/ Thyen heshtjen drejtori i FBI-së: Do hedhim
Drejtori i FBI, Christopher Wray

Drejtori i FBI, Christopher Wray, ka reaguar për herë të parë në lidhje me skandalin e Charles McGonigal, ish-zyrtarin e arrestuar, për të cilin janë hedhur dyshime mbi lidhjet me kryeministrin Edi Rama.

Duke iu përgjigjur interesit të gazetarëve, Wray tha se akuzat janë të rënda dhe ajo që ka bërë McGonigal është e papranueshme.

“Ajo që unë mendoj është se akuzat në këtë rast demonstrojnë gatishmëria e FBI-së si një organizatë për të hedhur dritë mbi sjelljen që është krejtësisht e papranueshme, duke përfshirë kur ndodh nga një prej njerëzve tanë, dhe për t’i mbajtur ata njerëz përgjegjës. Sjellja e McGonigal nuk përfaqëson FBI. Jemi të gatshëm të hedhim dritë mbi ngjarjen”, u shpreh ai.

Christopher Wray deklaroi se ka qenë FBI që ka nisur hetimet për McGonigal dhe ky i fundit nuk përfaqëson burrat dhe gratë që punojnë në këtë organizatë.

"Ne po flasim për një person që është larguar nga FBI për më shumë se katër vjet tani.

Është FBI ajo që nisi këtë hetim. Është FBI-ja dhe agjentët tanë që me kujdes dhe metodikë e bashkuan çështjen kundër tij. Dhe është FBI që e arrestoi atë”, theksoi drejtori i FBI-së./ B.A. - CNA.al





Lajmet e fundit nga