Propaganda e Rilindjes, në shërbim të Bashës/ Si gënjejnë Carlo dhe mediat e socialistëve për takimet e Alibeajt

2023-01-20 10:45:00, Aktualitet CNA

Propaganda e Rilindjes, në shërbim të Bashës/ Si

Dy ditë më parë, mediat e Rilindjes shpërndanë një lajm në lidhje me një takim të madh, që po organizonte në Pogradec, Lefter Gështenja, deputeti i Lulzim Bashës në Librazhd.

Një takim që po zhvillohej në Pogradec, ku do të merrnin pjesë, jo pak, por 23 deputetë, të cilët mbështesnin Alibeajn dhe ishin mbledhur me një strategji të qartë e të tjera e të tjera gënjeshtra politike.

Në fakt, në rrjetet sociale doli vetëm një foto e Kreshnik Çollakut me Flutura Açkën, por po të shikojmë këtë shkrim raportuar fillimisht nga “Shqiptarja.com”.

Propaganda e Rilindjes, në shërbim të Bashës/ Si

Më pas i njëjti informacion është kopjuar nga “Tema” dhe e shpërndarë në disa nga portalet e majta, thuhej se atje kanë marrë pjesë Alibeaj, Flutura Açka, Kreshnik Çollaku, Lefter Gështenja dhe Oriola Pampuri. Këta janë emrat që raportohen, nuk ka më të tjerë.

Propaganda e Rilindjes, në shërbim të Bashës/ Si

Thuhet se kanë qenë 23, por në fakt nuk ka asnjë foto, nuk ka asnjë dokument që të vërtetojë se kanë qenë 23 deputetë.

CNA.al ka mundur të mbledhë informacione në lidhje me takimin, ku kanë qenë të pranishëm 10 apo 12 deputetë dhe nuk ka pasur 23 siç pretendohet.

Alibeaj dhe Lulzim Basha tashmë janë të qartë se sa njerëz kanë dhe as foto nuk nxjerrin nga takimet që zhvillohen dhe ndërkohë pretendojnë se janë 23.

Propaganda e Rilindjes, në shërbim të Bashës/ Si

Në rast se do të kishte 23 deputetë Lulzim Basha dhe Alibeaj ata do të vazhdonin të mbanin kreun e grupit parlamentar dhe nuk do të kishin asnjë arsye për të përjashtuar deputetë.

Në fakt, grupi parlamentar i PD-së, i raportuar zyrtarisht, ka qenë 40 deputetë dhe me përjashtimin e katër personave ngelen 36 dhe do të duhen 19 firma për ta shkarkuar Alibeajn.

As Basha, as vetë kreu i grupit parlamentar të PD-së, nuk i kanë aq vota. Kjo është e qartë. Në rast se do të kishin 19 deputetë të pranishëm në takimin e Pogradecit, ata do të kishin publikuar foto, për të cilat dhanë porosi të mos dalin.

Por hodhën vetëm një foto të Kreshnik Çollakut për të prodhuar lajmin e mediave të Edi Ramës.

Propaganda e Rilindjes, në shërbim të Bashës/ Si

Pra, i gjithë raportimi që u bë kishte një qëllim të qartë, ishte një strategji politike që bëhet nga Lulzim Basha dhe e propagandojnë mediat e Partisë Socialiste dhe pushtetit.

Tani çdo ditë e më shumë shihet afrimi i Lulzim Bashës dhe të tijve me Edi Ramën.

Këtë e tregojnë disa hapa që po merren në Parlament në heshtje, por që së shpejti pritet të dalin në sipërfaqe dhe do të kuptohet më qartë se si grupi i Alibeajt do të bashkohet qartazi me Edi Ramën në votim në parlament.

Kjo është edhe arsyeja pse mediat e kryeministrit i bëjnë shërbime Lulzim Bashës dhe Enkelejdit, për të pasur në këmbim shërbim e deputetëve të dalë nga opozita, po që tashmë dukshëm janë të blerë dhe të përdorur nga shumica në pushtet./CNA.al