Përplasja në Top Channel/ CNA zbulon detajet për largimin e Sokol Ballës

2022-10-07 10:46:00, Aktualitet CNA

Përplasja në Top Channel/ CNA zbulon detajet për largimin e Sokol

CNA.al raportoi një ditë më parë se Sokol Balla, drejtori i informacionit dhe autori i emisionit Top Story, do largohej nga Top Channel.

Burime nga Top-i thanë për CNA.al se Sokol Balla ka pasur një përplasje me aksioneren Lori Hoxha, e cila aktualisht po merret me menaxhimit e televizionit.

Detajet e përplasjes mbeten ende të pasqaruara, por mësohet se Balla është shkarkuar nga posti i drejtorit të informacionit.

Aktualisht ai mban vetëm pozicionin e moderatorit në emisionin ?Top Story?.

Sokol Balla u rikthye pas disa vitesh në Top Channel, pas largimit të ish-drejtorit të ppërgjithshëm Ben Blushi. Balla morri drejtimin e informacionit dhe emisionin ku ishte vetë autor, por me sa duket gjërat nuk kanë shkuar siç duhet dhe së fundi ka pasur përplasje të forta me aksioneren Lori Hoxha.

Nuk dihet se çfarë do të ndodhë në vazhdim me emisionin e drejtuar prej tij, por në daljen e tij të fundit të enjten në mbremje, në përmbyllje të programit ku dhe bën fjalën mbyllëse, ai është shprehur:

?Si gjithmonë shprehja duhet të ishte shihemi të hënën tjetër në ora 21:00. Se kanë dalë disa lajme nëpër portale se Sokol Balla largohet nga Top Channel, unë nuk iki në një televzion tjetër, ose më saktë nuk dua të iki në një television tjetër, pasi e konsideroj Topin si shtëpinë time, sigurisht në çdo marrëdhënie njerëzore janë dy palëshe, dhe në një marrëdhënie rrihet nëse rrinë dy palët, nëse njëra palë nuk do, tjetri duhet të largohet.

Në këtë rast pala që do të rrijë jam unë.

Do të doja shumë që të shiheshim së bashku të hënën në ora 21:00, po edhe nëse nuk shihemi, nga unë Sokol Balla natën e mirë.?- duke nënkuptuar kështu se ai dëshiron të qëndrojë në Top Channel, (por duket edhe si një mesazh kërcënues). Balla qartazi ka lënë topin tek pala tjetër (Lori Hoxha), si pala që nuk dëshiron që të vijojë këtë bashkëpunim.

Kjo nuk është hera e parë në fakt që gazetari dhe moderator i njohur është larguar nga kjo media, por me sa duket së fundmi ka pasur një mosmarrëveshje me një nga aksionerët e Top Channel./CNA.al