PD-ja e Korçës kundër ndërtimit të stadiumit të ri/ Braktiset mbledhja e Këshillit Bashkiak

2023-08-31 13:11:00, Aktualitet CNA

PD-ja e Korçës kundër ndërtimit të stadiumit të

Lajmi se Korça pritet të bëhet me stadium të ri është bërë i ditur pak muaj më parë, ku u njoftua se projekt fitues u shpall ai i studios daneze CEBRA.

Ndërsa të gjithë presin investimin e jashtëzakonshëm që pritet t’i shtohet qytetit juglindor dhe që do të ndikojë në rritjen e ekonomisë, PD e Bashës në Korçë është shprehur kundër ndërtimit të kësaj vepre, që përfshin një sërë shërbimesh të tjera, pra do të jetë multifunksional.

Burime për CNA-në kanë bërë me dije se kreu i PD-së Korçë, njëkohësisht dhe anëtar në Këshillin Bashkiak të Korçës, Elvin Bregu, është i pari që është shprehur kundër ndërtimit të stadiumit .

Pasi ka dhënë votën e tij kundër, ai ka braktisur mbledhjen e Këshillit Bashkiak.

Kujtojmë se në muajin Maj, u prezantuan tre projekte nga kompanitë më të njohura të botës për stadiumin e Korçës ku kompania fituese u shpall, Studio "CEBRA" (Danimarkë).

Përfaqësuesi i kompanisë daneze, shpjegoi në atë kohë se stadiumi do të përshatet me ndërtesat e Korçës.

Sipas projektit të tyre është menduar që parku të shtrihet dhe në anën tjetër të bulevardit, në mënyrë që të lidhen të gjitha funksionet dhe rrugët, e pjesa që mbetet, është propozuar që të ketë ndërtesa të vogla. Kjo do t’i japë larmishmëri Korçës.

“Kemi diskutuar shumë dhe masterplanin dhe kemi kuptuar se do t’i bëjmë të dyja këto.

Nëse duam të kemi një stadium të integruar, duhet të shohim se cila është situata përreth stadiumit dhe këto janë dy propozimet tona, dhe gjëja e dytë, ka të bëjë me funksionet çfarë mund t’i shtojmë projektit që të mbështesim elementet e jetesës në këto zona.

Ndërtesa që do të bëjmë duhet t’u përshtatet ndërtesave të Korçës.Është stadiumi, i cili është i rrethuar nga ndërtesat siç i ka Korça, por duke i sjellë në stilin bashkëkohor.Nuk flitet vetëm për futboll, por edhe aktivitete të ndryshme që do të ndodhin këtu.

Ne përcaktojmë vendin dhe pastaj shikojmë llojin e ndërtesave që janë të përshtatshme për Korçën.Kemi menduar ta shtrijmë parkun edhe në anën tjetër të bulevardit.Në mënyrë që të lidhen të gjitha këto funksione do të shikojmë se si mund të lidhen rrugët, dhe pjesa që mbetet, kemi propozuar të ketë dhe ndërtesa më të vogla.

Pra, kemi kapur këtu larmishmërinë e ndërtesave që janë në Korçë dhe vërtetë mund të jenë në formë trekëndëshi. Kjo i jep dhe larmishmëri që e shikoni dhe në Korçë”, u shpreh asokohe përfaqësuesi i kompanisë daneze CEBRA./ CNA