web counter
LEXO PA REKLAMA!

SHKARKO APP

App Store
Google Play

Neni 18 i referuar nga Xhaçka është deklarim me vullnet të lirë se ajo është përfituese nga statusi i investitorit strategjik

2023-01-18 16:38:00, Aktualitet CNA
Neni 18 i referuar nga Xhaçka është deklarim me vullnet të
Ministrja e Jashtme, Olta Xhaçka

Sot një nga mbrojtësat e Xhaçkës në Gjykatën kushtetuese depozitoi një letër (pa datë), me të cilën pretendohej se Xhaçka ishte dorë jashtë në historinë e statusit si strategjik për burrin e saj.

Referenca e përdorur nga Xhaçka për të mos marrë pjesë në mbledhjen e Këshillit të Ministrave ku do shqyrtohej statusi i investitorit strategjik për burrin e Xhaçkës është mjaft si argument.

Paragrafet 1 dhe 2 të cituar në letër e të cilët qëllimisht në letër nuk përshkruhen se çfarë thonë janë si më poshtë:

Neni 18

Garantimi i paanshmërisë së anëtarëve të Këshillit të Ministrave:

1. Anëtari i Këshillit të Ministrave nuk mund të marrë pjesë në shqyrtimin e një çështjeje, *nëse ka interes personal ndaj saj,* ose në çdo rast tjetër, kur vërtetohen arsye serioze njëanshmërie.

2. Kërkesa për të mos marrë pjesë në vendimmarrje për çështjen, objekt shqyrtimi, i paraqitet Kryeministrit, kur anëtari ka dijeni, përpara mbledhjes së Këshillit të Ministrave ose drejtpërdrejt në mbledhjen e Këshillit të Ministrave, kur gjatë shqyrtimit të çështjes ai çmon se paraqitet njëri nga shkaqet e parashikuara më lart.

Paragrafi 1 dhe 2 i nenit 18 janë referencat e zgjedhura nga Xhaçka dhe të shpallura sot me tërsëllëmë nga një nga mbrojtësat e Xhaçkës që paguhet nga Kuvendi si ekspert i Kuvendit.

Neni 18 i referuar nga Xhaçka është deklarim me vullnet të

Është histori më vete fakti që Kuvendi paguan "ekspert" për të mbrojtur Kuvendin, kur kjo detyrë i takon Drejtorit të Përgjithshëm të Shërbimeve Juridike të Kuvendit.

Por duhet të sqarohet si fillim se shkresa që "eksperti" i Kuvendit ka depozituar në Gjykatën Kushtetuese, është deklarim i mjaftueshëm dhe personal i Xhaçkës për interesin e saj mbi përfitimin e programuar nga Mbedhja e Këshillit të Ministrave dhe të pritshëm edhe si përfitim financiar nga statusi i investitorit strategjik të dhuruar të shoqit.

Xhaçka e ka paraqitur përpara mbledhjes së qeverisë kërkesën. Ndaj s'mund as të na thotë tani që nuk fliste fare me burrin për atë histori e nuk dinte ç'po ndodhte.

Xhaçka ka kërkuar mos marrë pjesë në shqyrtimin dhe votimin e çështjes sepse e dinte që kishte konflikt interesi.

Xhaçka ose e ka burrë Artanin ose nuk e ka!

Xhaçka thotë me atë letër që strategjikun e ka burrë, kur bëhet fjalë për të votuar në Mbledhje Qeverie e kur kërkon mos marrë pjesë në votim.

Pastaj sot pretendon që nuk ka lidhje me statusin e strategjikut kur bëhet fjalë për pasurinë e pritshme nga përfitimi i statusit si strategjik të burrit./ CNA.al





Lajmet e fundit nga