web counter
LEXO PA REKLAMA!

SHKARKO APP

App Store
Google Play

E fundit!

x

Heshtja e bashkisë Tiranë që ngre një akuzë të re për Erion Veliajn

2026-05-17 12:58:00, Aktualitet CNA

Heshtja e bashkisë Tiranë që ngre një akuzë të re

Bashkia e Tiranës është institucioni që administron kryeqytetin. Kryetari i saj ndodhet në qelinë e paraburgimit në Durrës me 13 akuza për 5 vepra të rënda penale, ndërkohë i gjithë zinxhiri komandues, drejtorët e tjerë u arrestuan me urdhër të SPAK, më 28 mars të vitit 2024, si të përfshirë në dosjen famoze “5D”. Nga ana tjetër vazhdojnë hetimet edhe për landfillin e Tiranës, inceneratorin që nuk ekziston.

CNA, më 11 mars të këtij viti, i ka dërguar një shkresë zyrtarë bashkisë së Tiranës duke i kërkuar të na japë informacion në lidhje me sipërfaqet e reklamave të administruara nga bashkia e Tiranës dhënë për aktivitete të ndryshme tregtare si për koncertet në sheshin Skënderbej, koncertet në sheshin Nënë-Tereza, apo vendgrumbullime për evente të ndryshme ku vendosen sipërfaqe të mëdha reklamimi.

Heshtja e bashkisë Tiranë që ngre një akuzë të re
Shkresa e parë drejtuar bashkisë së Tiranës nga CNA

Në çuam një shkresë të parë dhe nuk morëm përgjigje, më pas nisëm dhe një shkresë të dytë, për të sqaruar dhe për të marrë informacion të plotë për të vënë në dijeni publikun në rast se kishte një abuzim me këto reklama.

Heshtja e bashkisë Tiranë që ngre një akuzë të re
Shkresa e dytë dërguar bashkisë së Tiranës nga CNA

Në rast se persona të tretë lidheshin direkt apo indirekt me Arbër Veliajn, vëllain e kryetarit të arrestuar të bashkisë së Tiranës, Erion Veliajn, por nuk morëm as për shkresën tonë të dytë.

Ne i dërguam një kërkesë për informacion të tretë gjithashtu, vendosëm në dijeni dhe Komisionerin për të Drejtën e Informimit, dhe deri më sot, prej tre muajsh, ne s'kemi marrë një përgjigje zyrtare.

Heshtja e bashkisë Tiranë që ngre një akuzë të re
Shkresa e tretë drejtuar Bashkisë së Tiranës nga CNA

Çfarë fshihet?

Pse Bashkia e Tiranës nuk na thotë zyrtarisht sa është sipërfaqja e reklamave që kanë dhënë për zhvillimin e aktivitetit po themi të, Vitit të Ri 2025? Ose zhvillimin e eventeve të tjera në sheshin Skënderbej. Sa është sipërfaqja e reklamave që kanë dhënë me qira? 1 metër katror, 5 metër katror, 10 metër katror? Kujt ia kanë dhënë? Dhe sa është çmimi që është dhënë?

Ky është një informacion elementar mbi të ardhurat që gjeneron Bashkia e Tiranës, mbi taksat që paguajnë qytetarët dhe me to zhvillohet kryeqyteti, investohet në kryeqytet dhe qytetarët kanë të drejtë të informohen, bizneset kanë të drejtë të informohen se si përdoren taksat e tyre.

Ku shkojnë të ardhurat e Bashkisë së Tiranës? Si administrohen sipërfaqet e pronave publike? Si administrohen sipërfaqet e reklamave që vendosen në evente? Dhe këtu nuk po flasim për 10 mijë lekë të vjetra, po flasim për miliona euro të qarkulluara për të cilat CNA-së nuk i jepet informacion. Dhe kjo, në mënyrë abuzive, në shkelje të ligjit.

Nuk kemi kërkuar as ndonjë informacion sekret, as ndonjë informacion mbi të ardhurat e momentit apo planet e të ardhmes, por për ato që kanë kaluar, për aktivitetet e zhvilluara, për sipërfaqet e dhëna me qira.

Sipas informacioneve që ka CNA, sipërfaqet që janë dhënë me dokument zyrtar, krahasuar me sipërfaqet e vërteta që janë përdorur, kanë një ndryshim shumë të madh dhe ne kemi të gjithë dyshimet tona të arsyeshme si gazetarë se është abuzuar, ka korrupsion dhe ka vjedhje.

E thënë më thjeshtë, jepen qindra metër katror sipërfaqe reklamash që vlejnë dhjetëra miliona lekë, LED wall-e, banera e të tjerë, dhe kompanitë private i paguajnë sa qimet e kokës, ndërkohë në fatura, sipas informacioneve të ardhura në CNA, janë vetëm disa dhjetëra metër katror.

Diferenca mund të jetë me miliona euro, dhe ne këtë po investigojmë dhe nuk po e fshehim. Këtë po i kërkojmë Bashkisë së Tiranës. Të na thotë të vërtetën.

Ne kemi mundur të sigurojmë të gjitha materialet video të eventeve të ndryshme të zhvilluara në sheshin Skënderbej, sepse janë publike, i kemi siguruar nga faqja zyrtare e zotit Veliaj, nga faqja zyrtare e Bashkisë Tiranë, nga mediat që i kanë transmetuar.

Ne thjesht po kërkojmë informacionin zyrtar sa figuron në letra sipërfaqja e reklamave të dhëna nga Bashkia e Tiranës për eventet e zhvilluara në sheshin Skënderbej apo dhe në sheshe të tjera. Në rast se shifrat janë të njëjta, pra nga videot përafërsisht duken 200- 300 metër katror ose 500 metër katror reklamë, dhe në faturë figurojnë 500 metër katror reklama, pse e fsheh Bashkia e Tiranës? Pse nuk na jep këtë informacion?

Në rast se në realitet janë 500 metër katror reklama kurse në faturë janë 5 metër katror reklama apo 50, këtu kemi të bëjmë me një vjedhje, me një abuzim, me kompani që marrin sipërfaqe me qira dhe vendosin sa të duan dhe nuk i kontrollon kush, as Drejtoria e Taksave dhe as Policia Bashkiake.

Pa folur pastaj për lidhje të mundshme të personave që i marrin këto objekte me këto sipërfaqe me qira dhe marrëdhëniet me të tretë apo me të afërm të kryebashkiakut të Tiranës, Erion Veliaj, i cili ndodhet në paraburgimin e Durrësit.

CNA do të vazhdojë të kërkojë informacion të plotë në lidhje me këto sipërfaqe dhe në rast se ne nuk do të marrim informacionin dhe nuk do të mundemi të ballafaqojmë vlerat e vërteta, kemi të gjithë të drejtën të themi publikisht se ky informacion fshihet pasi brenda ka një zullum, ka një vjedhje, ka një abuzim.

And this complete material, together with our documents, the lack of information and the data that has been brought to us regarding the suspicions that there are abuses with the advertisements that the Municipality of Tirana provides for events in the capital, we will forward to the competent bodies that investigate criminal facts if they exist, following the suspicions that come with the concealment of information . /CNA





Lajmet e fundit nga