Dokumenti/ Del në krah të Veliajt, Noizy merr 50 milionë lekë nga Bashkia e Tiranës

2023-05-02 14:21:00, Aktualitet CNA

Dokumenti/ Del në krah të Veliajt, Noizy merr 50 milionë

Noizy dhe Erion Veliaj

Reperi Rigels Rajku, i njohur me emrin e artit si “Noizy”, pak ditë më parë u shfaq krah kryebashkiakut Erion Veliaj, duke treguar hapur mbështetjen e tij për këtë të fundit.

Reperi përgëzonte Veliajn për punën e bërë pasi sipas tij e ka kthyer Tiranën në qytet europian.

Në fakt të shumta janë herët ku reperi ka treguar përkrahjen ndaj Veliajt dhe kjo duket se jo pa interes.

Së fundi mësohet se kompania e tij e quajtur ‘Ilirian Blodline’ ka marrë një pagesë prej 50 milionë lekësh nga Bashkia e Tiranës.

Sipas dokumentave pagesa është bërë në datën 19 tetor 2022, si pjesë e projektit art-kultur të bashkisë për koncertin e Noizy-t ‘Alpha Show’ që zhvilloi në Tiranë.

Dokumenti/ Del në krah të Veliajt, Noizy merr 50 milionë

Por duhet të kujtojmë se, aktiviteti ishte privat dhe jo publik, dhe fansat e tij paguan biletat me çmime marramendëse për të qenë pjesë e koncertit të tij.

Kujtojmë si u shpreh Noizy pak ditë më parë për Erion Veliajn.

“Lalo, ky mesazh vjen për ty, për gjithë mbështetjen, jo se jemi shokë, por puna flet vetë, për gjithë këto vite që e ke kthyer Tiranën në një qytet Europian. Dikur më vinte turp të sillja shokët e mi ose miqtë e mi që vinin nga jashtë, në Tiranë t’u tregoja që ky është kryeqyteti im ku jetoj. Por puna jote flet dhe me të vërtetë uroj të kesh forcë akoma më shumë seç ke, dhe të uroj vetëm suksese dhe të na nderosh sikurse kë bërë gjithë këto vite. Njëri një ditë më pyeti se ç’punë ke ti me Tiranën? Ti je nga Durrësi. Tirana është edhe kryeqyteti im, jo vetëm i yti. Kështu që forca vëlla! Të uroj fat dhe fitoren e kemi në xhep! Ju dua”, thekson Noizy./ CNA.al

View this post on Instagram

A post shared by Erion Veliaj (@erionveliaj)