Arrestimi i ish zyrtarit të lartë FBI-së/ Klodian Tomorri ngre pikëpyetjet, thirrja për SPAK

2023-01-24 10:32:00, Aktualitet CNA

Arrestimi i ish zyrtarit të lartë FBI-së/ Klodian Tomorri ngre

Gazetari Klodian Tomorri

Gazetari Klodian Tomorri ka ngritur disa pikëpyetje në lidhje me arrestimin e ish zyrtarit të FBI-së, Charles McGonical.

Sipas Tomorrit historia e tij ngre shumë pikëpyetje dhe lë vend për spekulime.

Në një reagim në rrjetet sociale, Tomorri ngre pikëpyetjen se nga dolën 225 mijë dollarë që shqiptari i kishte paguar McConigalit, ndërsa shtron pyetjen nëse këto para janë marrë nga korrupsioni qeveritar.

Ndër të tjera ai shkruan se përveç kësaj ka dhe një lobim tjetër.

Sipas gazetarit nga mediat amerikane që kanë parë dokumentat e gjyqit, rezulton se personi shqiptar është bërë pentito dhe ka shërbyer si informator i FBI-së për një çështje tjetër lobimi, po të McConigal. Nuk del e qartë nëse lobimi i dytë është bërë për llogari te zyrtareve shqiptare apo oligarkëve rusë.

Tomorri i bën thirrje SPAK të nisë komunikimin me autoritetet e SHBA-së dhe duhet të hapë paralelisht hetim në Shqipëri për korrupsion dhe pastrim parash.

“Një arrsestim, disa pyetje dhe po kaq spekullime

Është shumë interesante kjo historia e arrestimit të McConigalit. Përveçse ekspozon publikisht modus operandin e qeverisë shqiptare që korrupton çdo zyrtar të rëndësishëm që vjen nga perëndimi për interesat e saj politike, kjo histori ngre shumë pikëpyetje dhe lë vend për spekullime.

Sëpari, nga dolën ato 225 mije dollarët që i pagoi personi shqiptar McConigalit? Janë para korrupsioni qeveritar? Që do të thotë se SPAK duhet të nisë komunikimin me autoritetet e SHBA-së dhe duhet të hapë paralelisht hetim në Shqipëri për korrupsion dhe pastrim parash. (Zbatim ligji).

Së dyti, aty thuhet se veç pagesës 225 mijë dollarë ka dhe një lobim tjetër. Nga mediat amerikane që kanë parë dokumentat e gjyqit, rezulton se personi shqiptar është bërë pentito dhe ka shërbyer si informator i FBI-së për një çështje tjetër lobimi, po të McConigal. Nuk del e qartë nëse lobimi i dytë është bërë për llogari te zyrtareve shqiptare apo oligarkëve rusë. Këtu prapë hyn në veprim SPAK. (Zbatim ligji).

Së treti, a ka ndonjë mundësi që këto para të jenë përdorur si lobim edhe në shpalljen non grata të Berishës? (Terren spekullativ).

Së katërti, mos ka transportuar dhe ndonjë valixhe nga ato lekët e lobimit të Partisë Demokratike në kohën e Bashës ky McConigali? (Terren spekullativ)

Së pesti, Kryeministri e mbrojti publikisht këtë McConigalin duke thënë se e ka mik. Mos ndoshta mbrotja publike e kryeministrit ishte mesazh per McConigalin qe mos i trego shoket. (Terren spekullativ).

Se gjashti, tashme eshte e sigurte qe Shqiperia eshte ndyrur ne kete histori. Nga Shqiperia jane bere pagesa, ne afere ka aktore shqiptare etj etj. Pyetja tani eshte, a eshte perfshire drejteperdrejte dhe vet kryeministri apo ministra te qeverise ketu? (Perfundim logjik)

Pra shume, shume pikepyetje”, shkruan Tomorri./ CNA.al