web counter
LEXO PA REKLAMA!

SHKARKO APP

App Store
Google Play

E fundit!

x

Ambasadori i Britanisë, mesazh shqiptarëve/ Kush shkon ilegalisht në Angli, do të kthehet

2022-12-15 23:24:00, Aktualitet CNA
Ambasadori i Britanisë, mesazh shqiptarëve/ Kush shkon ilegalisht
Ambasadori i Britanisë së Madhe në Tiranë, Alastair King-Smith

Ambasadori i Britanisë së Madhe në Tiranë, Alastair King-Smith, ka paralajmëruar se të gjithë shqiptarët që shkojnë ilegalisht në Angli do të kthehen sërish mbrapsht.

Teksa shpjegoi masat e reja për të ndalur fluksin e emigrantëve që në kanalin e La Manshit, ai theksoi se Shqipëria duhet të trajtohet si një vend i sigurt.

“E kam këtu komunikatën e përbashkët që kanë nxjerrë dy kryeministrat tanë dhe është me të vërtetë një komunikatë e fortë. Ka një sërë kapitujsh, por në mënyrë të veçantë do të na mundësojë të bëjmë dy gjëra për migracionin: Së pari ta trajtojmë Shqipërinë si një vend të sigurt dhe së dyti, një Task Forcë e re e Përbashkët, çka nënkupton forcimin real të bashkëpunimit tonë operacional.

Ambasadori: Pra, ne kemi probleme me ligjin tonë sepse nuk ka një dispozitë për mënyrën e përcaktimit të vendeve si të sigurta, siç e kanë disa vende të tjera. Ne kemi një mekanizëm të ndryshëm dhe një proces legjislativ të ndryshëm. Ajo çka ofron ky ligj është rikonfirmimi i garancive që Mbretëria e Bashkuar dhe Shqipëria kanë sipas detyrimeve ndërkombëtare. Kjo nënkupton faktin se edhe Britania e Madhe do të bëjë më shumë duke ofruar mbështetje, veçanërisht kur kemi viktima të trafikimit të qenieve njerëzore ose individë të tjerë që kthehen këtu, ne do të ofrojmë më shumë mbështetje dhe ndihmë, por bëhet fjalë për shumë më tepër se kaq. Kjo ka të bëjë me bashkëpunimin tonë në mënyrë operacionale.

Pra, nëse dikush shkon ilegalisht, sigurisht që do të kthehet. Ajo që sjell kjo marrëveshje është se do të ndodhë më shpejt dhe do të jetë më e qartë se këto rrugë nuk ju japin mundësinë të qëndroni në Mbretërinë e Bashkuar. Perpara kësaj, njerëzit mendonin se mund të qëndronin, tani jo më”, theksoi ambasadori./ B.A. – CNA.al





Lajmet e fundit nga