web counter
LEXO PA REKLAMA!

SHKARKO APP

App Store
Google Play

E fundit!

x

34-vjetori i martirizimit të Havzi Nelës/ Berisha-Ramës: Dënoje krimin e babait tënd

2022-08-10 11:35:00, Aktualitet CNA

34-vjetori i martirizimit të Havzi Nelës/ Berisha-Ramës:

Kreu i PD-së, Sali Berisha ka përkujtuar Havzi Nelën, në 34 vjetorin e ndarjes nga jeta.

Me anë të një reagimi në rrjete sociale, Berisha i bën thirrje Ramës që të kërkojë ndjesë dhe të dënojë krimin e babait të tij.

“Sot është një dite që Edvin Kristaq Xhelati mund të "varë" brenda vetes çnjerëzoren e neobllokmenit dhe të tregojë qoftë dhe për pak çaste një grimce ndërgjegje të njeriut të qytetëruar, të dënojë krimin mizor të të atit të tij xhelat dhe t'i kërkojë ndjesë publike familjes”, shkruan Berisha.

Deklarata e plotë e Berishës:

Edvin, sot është dita që duhet të dënosh firmën e xhelatëve, ndër të cilët edhe të babait tënd, për varjen e tij.

Kërko ndjesë!!

Të dashur miq,

Sot mbarë kombi shqiptar përulet me nderimin më të madh para kujtimit dhe veprës së pavdekshme të martirit të lirisë, poetit disident, heroit të fjalës, Havzi Nela, i cili 34 vjet më parë u var për fjalën e lirë, për vargjet e tij, në sheshin kryesor të qytetit të Kukësit me firmën e xhelatëve të diktaturës staliniste Ramiz Alia dhe Kristaq Rama, babai biologjik i Edi Ramës.

34-vjetori i martirizimit të Havzi Nelës/ Berisha-Ramës:

Ky akt horror që dëshmon fytyrën mizore të diktaturës hoxhiste, kishte synim kryesor jo vetëm hakmarrjen primitive të xhelatëve të regjimit, por edhe terrorizimin e popullatës në tërësi dhe inteligjencës shqiptare në veçanti dhe të vriste pa lindur çdo varg apo fjalën e lirë.

Nderim përjetë poetit disident Havzi Nela.

Këtu më poshtë keni një poezi të poetit Havzi Nela dhe një status për të birin e xhelatit Kristaq Rama, që së bashku me diktatorin Ramiz Alia, firmosi varjen në litar të poetit disident.

- Poezia “Fryma e Helsinkit” nga Havzi Nela 

Kështjella feudale tundet e lëkundet

Si nji varkë e thyeme mbi valët përkundet;

Tirani mizor me detin sot po mundet

Thellë, gjithnji ma thellë n’mes dallgëve po futet.

Fryma e Helsinkit u derdh porsi era

Na përkëdheli zemrat, çeli si pranvera;

Këtu në votrat tona futi gaz e shpresë

Na zgjoi afsh e vrull, ndoshta, nuk do vdesë!

-Sot është një ditë që mund të bëheshe njeri, Edvin!

Sot është 34-vjetori i varjes në litar në sheshin qendror të qytetit të Kukësit të poetit disident Havzi Nela, me firmë të xhelatëve Ramiz Alia dhe Kristaq Rama, babait tënd biologjik.

Sot është një dite që Edvin Kristaq Xhelati mund të "varë" brenda vetes çnjerëzoren e neobllokmenit dhe të tregojë qoftë dhe për pak çaste një grimce ndërgjegje të njeriut të qytetëruar, të dënojë krimin mizor të të atit të tij xhelat dhe t'i kërkojë ndjesë publike familjes dhe së paku botës së letrave për varjen me firmën e Ramiz Alisë dhe Kristaq Ramës të poetit disident Havzi Nela. Këto pak rreshta nuk i shkruaj për politikë, por si një apel për ngadhënjimin e njeriut mbi antinjeriun!/CNA.al





Lajmet e fundit nga