web counter
LEXO PA REKLAMA!

SHKARKO APP

App Store
Google Play

E fundit!

x

Paradoksi, Kukësi qarku më i varfër i vendit ka shkallën më të lartë të punësimit

5 Shtator 2025, 15:23, Ekonomi CNA

Paradoksi, Kukësi qarku më i varfër i vendit ka shkallën

Papunësia ka ardhur në ulje vitet e fundit, por brenda treguesve zyrtare shfaqen problematika të mëdha mes faktit se sa janë të punësuar realisht që marrin pagesa mujore dhe atyre që raportohen si të punësuar zyrtarisht.

Sipas të dhënave zyrtare të INSTAT në vitin 2024, qarku shkallën më të lartë punësimit ishte Kukësi (70,9 %) dhe Gjirokastra (66,0 %), ndërsa qarqet me shkallë punësimi më të ulët janë Lezha (47,6 %) dhe Vlora (51,7 %).

Teksa Kukësi ka shkallën më të lartë punësimit, vjen në fund të renditjes nga 12 qarqet e tjera për shpenzimet mujore të familjeve. Në vitin 2023, një familje në Kukës shpenzonte 73,225 lekë në muaj sipas INSTAT, niveli më i ulët në rang vendi dhe 20 për qind më pak se mesatarja kombëtare.

Duke verifikuar strukturën e punësimit në Kukës dominon dega e bujqësisë. Në këtë sektor janë të punësuar 72 për qind e totalit të të punësuarve, po kur vjen puna tek rendimenti bujqësor, Kukësi kontribuon më pak se çdo qark në prodhimin bujqësor në të gjitha degët.

Pothuajse të gjithë të punësuarit që raportohen në bujqësi nuk kanë të ardhura mujore, ofruesi më i madh i punësimit me pagë në këtë qark është shteti nëpërmjet administratës lokale, shkollave dhe shëndetësisë.

Në 6 qarqe të vendit, Kukës, Elbasan, Dibër, Berat dhe Korçë bujqësia kontribuon në më shumë se gjysmën e punësimit, teksa sektorët e tjerë të industrisë dhe shërbimeve zënë një peshë shumë të vogël.

Qarqet, ku në strukturën punësimit të tyre dominojnë industria dhe shërbime kanë nivel më të lartë jetesës.

Psh në qarkun e Tiranës vitin e kaluar shërbimet punësuan 63,8 %  te totalit të punësuarve. 26,7 % e të punësuarve ishin në sektorin e industrisë dhe vetëm 9,4 % e tyre punonin në bujqësi.

Qarku i Durrësit ka rreth 31,9 % të të punësuarve të angazhuar në sektorin e industrisë (duke shënuar qarkun me numrin më të madh të punonjësve në këtë sektor), 39,6 % në sektorin e shërbimeve dhe 28,5 % në sektorin e bujqësisë.

Në qarkun e Lezhës shërbimet ofrojnë 40.7 të punësimit total, në Vlorë 49,2% dhe Gjirokastër 34.8% punësuarve janë të angazhuar në sektorin e shërbimeve, një e katërta në sektorin e industrisë dhe pjesa tjetër që varion nga 30 në 40 %  janë të angazhuar në sektorin e bujqësisë.

Bujqësia është kontribuuesi kryesor në punësim me 36.7% të totalit më 2024 duke pësuar rënie të lehtë nga niveli 37.2% i vitit 2023./ Monitor.al





Lajmet e fundit nga