web counter
LEXO PA REKLAMA!

SHKARKO APP

App Store
Google Play

Nga 1 prilli, paga referencë dhe kontrolle për sektorin mjekësor

30 Mars 2026, 14:13, Ekonomi CNA

Nga 1 prilli, paga referencë dhe kontrolle për sektorin mjekësor

Ministri i Financave, Petrit Malaj, njoftoi se administrata tatimore do të përqendrohet në formalizimin e sektorëve mjekësorë dhe estetikë, përveç sektorëve të ndërtimit, turizmit dhe hidrokarbureve. Qëllimi është rritja e transparencës dhe evidentimi i tatimpaguesve me rrezik të lartë.

“Kontrollet e vitit të kaluar në sektorët e ndërtimit, turizmit dhe hidrokarbureve dhanë rezultate konkrete, me rritje të tatimit mbi të ardhurat dhe kontributeve shoqërore. Sektori mjekësor dhe i kujdesit personal do të jenë prioriteti ynë në muajt e ardhshëm,” tha Malaj.

Drejtori i Tatimeve, Ilir Binaj, bëri me dije se kontrollet do të përfshijnë rreth 10 mijë biznese me 45 mijë të punësuar në shërbime mjekësore, dhe më 1 prill do të publikohen pagat indikative për këtë sektor. Pas kësaj, do të vijojnë kontrolle për aktivitetet në tregjet bujqësore.

Binaj shtoi se administrata tatimore ka planifikuar digjitalizimin e 11 shërbimeve gjatë 2026, përfshirë rimbursimet për fermerët, aplikimet për paqen fiskale dhe certifikatat e rezidentit.

Në fokus do të jenë gjithashtu sektori i ndërtimit, turizmi, hidrokarburet dhe kujdesi personal. Kontrollet e filluara në ndërtim dhe turizëm kanë treguar rezultate pozitive, me rritje të tatimit mbi të ardhurat deri në 29% dhe të kontributeve 14%. Administrata do të vazhdojë të monitorojë dhe të informojë tatimpaguesit për të siguruar formalizimin e pagave dhe të ardhurave./ CNA





Lajmet e fundit nga