web counter
LEXO PA REKLAMA!

SHKARKO APP

App Store
Google Play

Mblidhet Këshilli Mbikëqyrës i Bankës së Shqipërisë/ Miratohet raporti vjetor

4 Mars 2026, 16:38, Ekonomi CNA

Mblidhet Këshilli Mbikëqyrës i Bankës së

Këshilli Mbikëqyrës i Bankës së Shqipërisë, ka zhvilluar ditën e sotme një mbledhje ku u vendos miratimi i raportit vjetor për vitin 2025.

Raport i cili përfshin zhvillimet makroekonoomike, politikat monetare apo zhvillimet në sistemin bankar.

Në njoftimin e bërë, thuhet se Këshilli Mbikëqyrës miratoi përdorimin e fitimit të Bankës së Shqipërisë për vitin 2025.

 

 

Njoftimi i Bankës së Shqipërisë

 

 

Në mbledhjen e datës 4 mars 2026, Këshilli Mbikëqyrës i Bankës së Shqipërisë mori në shqyrtim dhe vendosi:

• Miratimin e Raportit Vjetor të Bankës së Shqipërisë për vitin 2025

Raporti vjetor përbën një detyrim ligjor të Bankës së Shqipërisë, me anë të të cilit realizohet llogaridhënia para Kuvendit të Shqipërisë dhe komunikimi me sistemin financiar, mediat dhe publikun. Ai përbën dokumentin më të rëndësishëm që, në mënyrë transparente, informon Kuvendin mbi vendimmarrjen e Këshillit Mbikëqyrës dhe veprimtarinë e Bankës së Shqipërisë, në përmbushje të objektivave të saj institucionalë, monetarë, operacionalë dhe zhvillimorë.

Në raport, ndër të tjera, pasqyrohen:

• zhvillimet e përgjithshme makroekonomike në vend;

• politika monetare dhe ajo valutore e ndjekur nga Banka e Shqipërisë;

• zhvillimet në sistemin bankar dhe rreziqet potenciale me të cilat përballet stabiliteti financiar;

• aktiviteti mbikëqyrës, licencues dhe rregullator;

• aktiviteti i emisionit monetar, i sistemit të pagesave, i administrimit të rezervës valutore, statistikor, kërkimor, komunikues dhe ai i edukimit të publikut;

• administrimi i burimeve njerëzore;

• veprimtaria e kontrollit të brendshëm;

• objektivat afatmesëm të institucionit.

Gjatë mbledhjes së sotme, Këshilli Mbikëqyrës shqyrtoi dhe miratoi përdorimin e fitimit të Bankës së Shqipërisë për vitin 2025.

Këshilli Mbikëqyrës u njoh dhe me informacione të tjera të lidhura me veprimtarinë e përditshme funksionale dhe operacionale të Bankës së Shqipërisë.





Lajmet e fundit nga