web counter
LEXO PA REKLAMA!

SHKARKO APP

App Store
Google Play

E fundit!

x

Energjia nga dielli arrin rekord prej 13.2% të prodhimit total në 2025-n/ Bien humbjet në rrjet

3 Mars 2026, 22:51, Ekonomi CNA

Energjia nga dielli arrin rekord prej 13.2% të prodhimit total në

Rendja e investitorëve drejt investimeve në fotovoltaikë ka çuar në rritjen e ndjeshme te pëshës së energjisë së prodhuar nga dielli gjatë vitit 2025, që për herë të parë në histori ka arritur në 13.2% të totalit, nga 6.4% që ishte vitin e kaluar.

INSTAT raportoi bilancin e energjisë për vitin 2025.

Gjatë vitit 2025, energjia elektrike në dispozicion arriti në 8.345 GWh, kundrejt 8.171 GWh në vitin 2024, duke shënuar një rritje prej 2,1 %.

Prodhimi neto vendas i energjisë elektrike arriti vlerën 7.468 GWh, nga 7.837 GWh në vitin 2024, duke shënuar një rënie prej 4,7 %.

Ky prodhim u realizua nga hidrocentralet publike në masën 45,2%, nga prodhuesit privatë dhe koncesionarë në masën 41,6% dhe nga të tjerë prodhues (energji të rinovueshme të tjera) në masën 13,2% të prodhimit neto vendas të energjisë elektrike.

Importi bruto i energjisë elektrike (energji në marrje) arriti vlerën 3.375 GWh, nga 2.669 GWh në vitin 2024, duke shënuar një rritje prej 26,5%. Ndërkohë, eksporti bruto i energjisë elektrike (energji në dhënie) arriti vlerën 2.498 GWh, nga 2.335 GWh në vitin 2024, duke shënuar një rritje prej 7,0%.

Hidrocentralet publike, në vitin 2025, prodhuan 3.374 GWh, nga 4.085 GWh në vitin 2024, duke shënuar një rënie të prodhimit prej 17,4%.

Prodhuesit privatë dhe koncesionarë prodhuan 3.109 GWh, nga 3.245 GWh një vit më parë, duke shënuar një rënie prej 4,2%.

Të tjerë prodhues (energji të rinovueshme të tjera) prodhuan 984 GWh, nga 507 GWh në vitin 2024, duke regjistruar një rritje prej 94,3%.

Shkëmbimi i energjisë elektrike (diferenca mes eksportit dhe importit bruto të energjisë), në vitin 2025, rezultoi negativ në nivelin −877 GWh, krahasuar me një nivel negativ prej −334 GWh në vitin 2024.

Humbjet në rrjet arritën vlerën 1.593 GWh në vitin 2025, nga 1.614 GWh në vitin 2024, duke shënuar një rënie prej 1,3%.

Pesha që zënë humbjet në rrjet në totalin e energjisë elektrike në dispozicion gjatë vitit 2025 është 19,1%, kundrejt 19,8% në vitin 2024, duke regjistruar një ulje prej 0,7 pikë përqindje.

Gjatë vitit 2025, humbjet në transmetim shënuan rënie prej 3,9%, ndërsa humbjet në shpërndarje shënuan rënie prej 1,0%, krahasuar me vitin 2024.

Përdorimi i energjisë elektrike nga konsumatorët, në vitin 2025, arriti vlerën 6.752 GWh, nga 6.556 GWh në vitin 2024, duke shënuar një rritje prej 3,0%.

Përdorimi i energjisë elektrike nga konsumatorët familjarë u rrit me 6,8%, duke arritur vlerën 3.641 GWh në vitin 2025, nga 3.409 GWh në vitin 2024.

Ndërsa përdorimi nga konsumatorët jo familjarë u ul lehtë, duke arritur 3.111 GWh në vitin 2025, nga 3.147 GWh në vitin 2024, duke shënuar një rënie prej 1,2%./Monitor.al

Energjia nga dielli arrin rekord prej 13.2% të prodhimit total në





Lajmet e fundit nga