web counter
LEXO PA REKLAMA!

SHKARKO APP

App Store
Google Play

Denoncim/ Abuzime të tjera në Bashkinë e Tropojës

6 Prill 2026, 17:20, Denoncim CNA

Denoncim/ Abuzime të tjera në Bashkinë e Tropojës

Abuzime të tjera janë raportuar në bashkinë e Tropojës. Në një denoncim të mbërritur në redaksinë e CNA, thuhet se në një auditim të Kontrollit të Lartë të Shtetit janë konstatuar masa dëmi ekonomik që sipas denoncuesit duhet të ishin shoqëruar me kallëzime penale.

Referuar denoncimit, nga verifikimi i dokumentacionit tekniko-ligjor të vënë në dispozicion grupit të auditimit si dhe verifikimit të punimeve në terren për objektin e mësipërm rezultuan diferenca lidhur me volume të situacionuara me punimet faktike në terren si dhe volume të llogaritura jo në përputhje me projektin e zbatimit, projekt-preventivit të rishikuar si më poshtë në objektet e investuara nga Bashkia Tropojë:

1.Në objektin “Rikonstruksion i rrugës së fshatit “Kasaj” sipas kontratës me nr.2319 prot., datë 04.05.2023, lidhur midis AK Bashkisë Tropojë dhe Kontraktorit OE “Nika”.shpk. Vlera e kontratës është 69,023,526.48 lekë me Tvsh. Rezultuan diferenca lidhur me volume të situacionuara me punimet faktike në terren. Në total rezultuan diferenca me pasojë dëm ekonomik në buxhetin e Bashkisë Tropojë në vlerën 956,587.5 lekë pa TVSH.

Denoncim/ Abuzime të tjera në Bashkinë e Tropojës

Në këtë procedurë tenderi, KLSH gjeti shkelje në vlerësimin e procedurës duke skualifikuar operatorin me ofertën më të ulët, ku KLSH e quan efekt financiar negativ në buxhet kur në shumë raste të tjera e ka quajtur dëm ekonomik dhe ka bërë kallëzime penale.

Denoncim/ Abuzime të tjera në Bashkinë e Tropojës

Në procedurën e Prokurimit “Rikonstruksion i Rrugës Fshati Kasaj”  me fond limit 79,863,397 lekë pa TVSH. Nga shqyrtimi i dokumentacionit në SPE rezulton se skualifikimi i OE “Sh.” nuk është i bazuar në prova e fakte të plota por për mangësi e devijime të vogla që mund të kërkohej sqarim me shkrim nga subjekti. Veprim që ka sjellë një efekt financiar negativ në buxhetin e Bashkisë Tropojë për 1,943,468.4 lekë pa TVSH ardhur nga diferenca e ofertës së shpallur fituese e OE “Nika.” prej 57,519,605.40 lekë dhe ofertës të shkualifikuar në mënyrë të pa mbështetur në ligj të OE “Shendelli.” prej 55,576,137.00 lekë pa TVSH.

Denoncim/ Abuzime të tjera në Bashkinë e Tropojës
Tenderi "Rikonstruksion i Rrugës Fshati Kasaj"

2. Në objektin “Rikonstruksion i shkollës 9-Vjeçare Besëlidhja e Malësisë” sipas kontratës me nr. 3888 prot., datë 26.09.2024, lidhur midis AK Bashkisë Tropojë dhe Kontraktorit BOE “M./S”.shpk & “Nika”shpk. Vlera e kontratës është 66,333,240.44 lekë me TVSH. Afati zbatimit të kontratës është përcaktuar periudha kohore 9 muaj nga nënshkrimi i kontratës.  Në raportin e KLSH thuhet se rezultuan diferenca lidhur me volume të situacionuara me punimet faktike në terren si dhe volume të llogaritura jo në përputhje me projektin e zbatimit, projekt-preventivit të rishikuar si më poshtë. Në total rezultuan diferenca me pasojë dëm ekonomik në buxhetin e Bashkisë Tropojë në vlerën 3,051,619 lekë pa TVSH.

Denoncim/ Abuzime të tjera në Bashkinë e TropojësDenoncim/ Abuzime të tjera në Bashkinë e TropojësDenoncim/ Abuzime të tjera në Bashkinë e Tropojës

Sipas denoncimit, këto dëme cënojnë rëndë ecurin e mësimdhënies në këtë shkollë 9-vjeçare,sidomos pjesa e palestrës shkollës e cila pas restaurimit ka dalë plotësisht jashtë loje ,duke rrezikuar edhe shëndetin e nxënësve.

3. Në objektin “Rikonstruksion sistemim asfaltim rruga Bukovë-Qendër Luzhë”, sipas kontratës nr.2319 prot., datë 04.05.2023, lidhur midis AK Bashkisë Tropojë dhe Kontraktorit OE “Sh.”shpk. Vlera e kontratës është 27,919,401.3 lekë me TVSH. Rezultuan diferenca lidhur me volume të situacionuara me punimet faktike në terren. Në total rezultuan diferenca me pasojë dëm ekonomik në buxhetin e Bashkisë Tropojë në vleren 778,512 lekë pa TVSh.

Denoncim/ Abuzime të tjera në Bashkinë e Tropojës

4. Në objektin “Sistemim asfaltim i lagjes Dardania”, sipas kontratës me nr. 1215 prot., datë 24.20.2023, lidhur midis AK Bashkisë Tropojë dhe Kontraktorit OE “Z.”shpk. Vlera e kontratës është 32,423,422 lekë me TVSH. Rezultuan diferenca lidhur me volume të situacionuara me punimet faktike në terren. Në total rezultuan diferenca me pasojë dëm ekonomik në buxhetin e Bashkisë Tropojë në vleren 621,823 lekë pa TVSH.

Denoncim/ Abuzime të tjera në Bashkinë e Tropojës

5. Në objektin "Blerje mobilje për sallën e muzeut", rezultuan diferenca lidhur me volume të situacionuara me punimet faktike në terren. Në total rezultuan diferenca me pasojë dëm ekonomik në buxhetin e Bashkisë Tropojë në vlerën 175,000 lekë. /CNA

Denoncim/ Abuzime të tjera në Bashkinë e Tropojës





Lajmet e fundit nga