E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

Cilët janë punëdhënësit më të mirë të vitit 2022?

31 Dhjetor 2022, 16:40, Blog CNA

Cilët janë punëdhënësit më të mirë

Për të gjashtin vit radhazi, "Forbes" publikoi klasifikimin e punëdhënësve më të mirë në botë. Renditja e vitit 2022 u përpilua në bashkëpunim me Statista.

Firma e kërkimit të tregut anketoi 150,000 punonjës me kohë të plotë dhe me kohë të pjesshme në kompani shumëkombëshe në 57 vende për të përcaktuar se cilët shkëlqejnë në:

1. ndikimin dhe imazhin
2. zhvillimin e talentit
3. barazinë gjinore
4. përgjegjësinë sociale.

Klasifikimi i këtij viti përfshin gjithsej 800 kompani.

Po kush janë punëdhënësit më të mirë në botë?

Punëdhënësi më i mirë në botë: Grupi Samsung

Industria: Conglomerate
Shteti: Koreja e Jugut
Punonjës: 266,673

Grupi Samsung u themelua në vitin 1938, selia e tij është në Seul, në Korenë e Jugut. Sipas Forbes, kompania e teknologjisë u emërua gjithashtu një nga punëdhënësit më të mirë për të sapodiplomuarit.
Ky është viti i tretë radhazi që Samsung Group renditet i pari.

Sipas "The Korea Herald", kompania u vlerësua nga "Forbes" në 2020 dhe 2021 për mënyrën se si e trajtoi pandeminë COVID-19, duke i dhënë përparësi sigurisë dhe shëndetit të punonjësve.

Microsoft u rendit i dyti në listë.

E themeluar në vitin 1975, kompania ka selinë në Redmond, Uashington. Microsoft është gjithashtu i listuar në listat e "Forbes" të punëdhënësve më të mirë për gratë dhe të rinjtë e diplomuar.

Në vitin 2020, Microsoft u rendit në vendin e 21-të në listën e Fortune 500 korporatave më të mëdha në Shtetet e Bashkuara bazuar në të ardhurat totale.

Në vendin e tretë qëndron kompania IBM.

Kompania u themelua në vitin 1911 dhe e ka selinë në Armonk, Nju Jork.

Përveç të qenit një nga punëdhënësit më të mirë në botë, IBM përfshihet edhe në renditjet e tjera të "Forbes", duke përfshirë punëdhënësit më të mirë për veteranët dhe kompanitë më të admiruara.

Sipas "Forbes", është gjithashtu një nga punëdhënësit më të mëdhenj në botë, me më shumë se 297,800 punonjës në 2022-shin.

Në vitin 2021, Amazon renditej në vendin e 4-t, por këtë vit ka zbritur në vendin e 14-të. Këtë vit, Alphabet renditet në vendin e 4-t./ CNA.al Burimi: Class Life