web counter
LEXO PA REKLAMA!

SHKARKO APP

App Store
Google Play

Zjarri në pallatin në Tiranë/ Alimehmeti: U menaxhua me show dhe zero parapërgatitje

16 Prill 2026, 19:36, Aktualitet CNA

Zjarri në pallatin në Tiranë/ Alimehmeti: U menaxhua me show dhe

Demokrati Ilir Alimehmeti u ndal sot në një koment lidhur me zjarrin me përmasa të mëdha që përfshiu një kompleks banimi këtë javë në Tiranë.

I ftuar në A2 CNN, Alimehmeti u shpreh se problemi më i madh është krijuar nga përdorimi i një materiali jorezistent, me të cilin është ndërtuar jo vetëm ky pallat, por edhe shumë të tjerë.

Alimehmeti kritikoi mënyrën e menaxhimit, që sipas tij, ishte një shfaqje e madhe dhe mungesë përgatitjeje.

“Në radhë të parë, nuk duhet të lejosh që të krijohen problemet. Në Londër u dogj një kullë para shumë vitesh dhe nga ai moment u kuptua problematika e atij lloj materiali. Është krijuar një lloj materiali tjetër rezistent ndaj zjarrit. Por, me këtë lloj materiali nuk është ndërtuar vetëm ky pallat, kemi pasur edhe raste të tjera djegiesh në Tiranë. Është e njëjta problematikë, po mori zjarr një pjesë, nuk ndalet më sepse është material tejet i djegshëm. Vumë re pajisjet mbrojtëse të zjarrfikësve se si ishin. U detyruan të kërkonin ndihmë nga zjarrfikëse të tjera jashtë Tiranës për një zjarr. Nëse e vutë re, pjesa qesharake ishte një helikopter që hidhte ujë nga lart, kur pallati kishte djegie anësore. Se si do fikej ai zjarr… Helikopteri është për fusha, pyje apo male. Këtu kemi një show të madh, por zero parapërgatitje. Të gjitha parapërgatitjet janë zero. Gjithsesi, në rastin e pallatit, mirë apo keq, zjarrfikësja hyri. Ka zona të tjera të Tiranës ku nuk hyn dot, as zjarrfikësja, as ambulanca. Kemi njerëz që nuk duan t’ia dinë për asgjë. Kanë interesa që nuk i bëjnë të veprojnë për këto situata”,-u shpreh Alimehmeti./CNA

 





Lajmet e fundit nga