web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet dosja hetimore për privatizimin e ish-kompleksit "Partizani"/ Reagon ish-ministri Fatmir Mediu

22 Tetor 2023, 16:26, Aktualitet CNA
Zbardhet dosja hetimore për privatizimin e ish-kompleksit
Fatmir Mediu

Dosja hetimore e SPAK-ut në lidhje me çështjen e privatizimit të ish-kompleksit "Partizani" në Tiranë, që çoi pas hekurave Jamarbër Malltezin dhe u caktua masën ‘detyrim paraqitje’ për ish-kryeministrit Sali Berisha është zbardhur.

Në dosje sqarohet se Ministria e Mbrojtjes në vitin 2005 kohë në të cilën ishte nën udhëheqjen e Fatmir Mediut i hapi rrugë heqjes së pronës nga lista e pronave të FA-ve.

Në dokumentin në fjalë, thuhet se Mediu, përmes një shkresë kërkon sugjerime dhe nga ministri Rusi.

“Në vijim, me shkresën nr. 9549/3 prot date 14.11.2005, Ministri i Mbrojtjes Fatmir Mediu, i parashtron Ministrit të Ekonomisë, Genc Ruli, se: Klubi i Futbollit “Partizani” ne baze te VKM nr. 515 date 18.07.2003.eshte inventarizuar. Ne baze te VKM nr. 195 date 30.03.1998 “Per privatizimin e ndërmarrjeve qe nuk mund te transformohen” propozojnë miratimin e privatizimit të objekteve dhe terreneve sportive të Klubit të Futbollit “Partizani” duke mirëpritur sugjerimet e METE ne lidhje me forma të tjera.”, thuhet mes të tjerash.

Në një kohë kur emri i tij del në dosjen e SPAK për çështjen e privatizimit të ish-kompleksit "Partizani", vjen një reagim nga ish-ministri Fatmir Mediu.

Mediu shpjegoi faktin se pse ka dërguar shkresën ministrit Genc Ruli, një muaj pas marrjes së detyrës më 2005.

“Unë s'i kam çuar letër Rulit, por përgjigje një shkresë të Anastas Angjelit ish-Ministër i Ekonomisë që së bashku me Blendi Klosin kërkonin privatizimin e Partizanit tek Majko rreth muajit korrik 2005. Angjeli u zëvendësua nga Ruli dhe unë zëvendësova Majkon”, sqaron Mediu./ CNA

 





Lajmet e fundit nga