web counter
LEXO PA REKLAMA!

SHKARKO APP

E fundit!

x

Vrasja e Ardian Nikulajt/ Prokuroria e Lezhës jep pretencën për portugezin

3 Mars 2026, 10:18, Aktualitet CNA

Vrasja e Ardian Nikulajt/ Prokuroria e Lezhës jep pretencën për

Prokuroria e Lezhës ka kërkuar burgim përjetë për portugezin Ruben Saraiva, ekzekutorin e vrasjes së Ardian Nikulajt në Shëngjin. Pretenca nga Prokuroria është dhënë në seancën gjyqësore të zhvilluar ditën e sotme dhe që zgjati një orë.

Vrasja e Ardian Nikulajt ndodhi në prill të vitit 2023. Ai ndodhej në lokalin e tij ku vrasësi me pagesë hyri në lokal dhe i zbrazi pistoletën, duke e lënë të pajetë. 

Ruben Saraiva u arrestua në Marok më 8 maj të vitit 2023 për llogari të autoriteteve shqiptare dhe u ekstradua në vendin tonë më 31 dhjetor të po atij viti.

Për vrasjen e Ardian Nikulajt në Britaninë e Madhe janë arrestuar edhe pjesa tjetër e grupit kriminal, Edmond Haxhia, Stephen Hunt, Thomas Mithan, Harriet Bridgeman dhe Harry Simson, për të cilët akoma nuk ka një vendim ekstradimi për në Shqipëri.

Pista kryesore e vrasjes së biznesmenit Ardian Nikulaj është ajo e hakmarrjes mes fisit Nikulaj dhe Lekstakaj e nisur shumë vite më parë. Sipas hetuesve, organizator i atentatit ka qenë Edmond Haxhia; Ruben Saraiva në rolin e ekzekutorit ndërsa të tjerët në rolin e ndihmësit. /CNA





Lajmet e fundit nga