web counter
LEXO PA REKLAMA!

SHKARKO APP

App Store
Google Play

Gazetari rrëfen vizitën në Iran: Regjimi i Khameneit mbahej në këmbë nga dogma

2 Mars 2026, 22:24, Aktualitet CNA

Gazetari rrëfen vizitën në Iran: Regjimi i Khameneit mbahej

Gazetari Artan Hoxha ndau sot një përjetim mbi situatën në Iran, nga vizita e tij e parë në atje në vitin 2008.

I ftuar në A2 CNN, Hoxha u shpreh se gjendja në vend i kujtonte Shqipërinë e viteve të para pos rënies së komunizmit, kur njerëzit ishin tepër të dyshimtë për shkak të regjimit të gjatë dhe dogmës.

“Më kujtonte Shqipërinë e para viteve ’90-të. Ishin një popull shumë vigjilent me të huajt. Ishin shumë mikpritës, por raportonin çdo gjë të dyshimtë që mund të shikonin. Ne kishim prezencë atje, shumica studentë. Janë një popullsi e madhe, një komb me histori e kulturë, por dogma që ishte atje ishte radikale dhe e fortë. Ata thonin që pasuritë tona nuk duam të na i shfrytëzojnë imperialistët, amerikanët, rusët… Por, më ka rastisur që të isha i pranishëm edhe në ekzekutim. Ishte e shtunë dhe lajmëruan. Varën 8 veta. 4 i varën si bashkëpunëtorë të Izraelit dhe këto ekzekutime bëheshin në publik. Ishte një regjim i cili, duke përdorur dogmën, mbahej në këmbë. Irani sot është vendi i dytë në botë për rezervat e gazit dhe i treti për rezervat e naftës. Nuk është rastësi që vendi i parë për rezervat e naftës ishte Venezuela dhe Maduro përfundoi atje ku përfundoi. Është një vend me resurse të jashtëzakonshme. Kjo e ka bërë Iranin që të jetë kaq i rëndësishëm”,-tha gazetari Artan Hoxha./CNA





Lajmet e fundit nga