web counter
LEXO PA REKLAMA!

SHKARKO APP

App Store
Google Play

Situata në Lindjen e Mesme/ Artan Hoxha: Irani e mori goditjen fatale të bërthamës së sistemit

2 Mars 2026, 22:17, Aktualitet CNA

Situata në Lindjen e Mesme/ Artan Hoxha: Irani e mori goditjen fatale

Gazetari Artan Hoxha u ndal sot gjerësisht te situata në Lindjen e Mesme, ku prej së shtunës u shënuan sulme të njëpasnjëshme.

I ftuar në A2 CNN, Hoxha tha Iran, i sulmuar nga SHBA-të dhe Izraeli, e ka humbur fuqinë rajonale që ka pasur, për shkak të goditjeve që pësoi nga protestat dhe gjendja e regjimit.

Sipas gazetarit, me rastin e fundit ndodhi një goditje fatale, që arriti deri te bërthama e sistemit qeverisës së vendit.

“Irani e ka humbur fuqinë rajonale që ka patur. Nuk e ka më atë fuqi. Dhe me goditjen që mori gjatë vitit të kaluar dhe protestat e mëdha që shpërthyen më mbrapa, dukej që regjimi ishte në një pozicion nga pozicionet më të dobëta që ai ka patur gjatë gjysmë shekulli që ata e drejtojnë një vend aq të madh siç është Irani. Në këto kushte Shtetet e Bashkuara të Amerikës dhe Izraeli realizuan këtë sulm. Britania nuk i bashkua këtij operacioni.

Por goditja ka qenë fatale, sepse nuk është goditur vetëm Ajatollau. Është goditur bërthama që e qeveriste atë vend. Ai vend kishte për shkak edhe të konfliktit 10 vjeçar që ka patur me Irakun kishte investuar dhe kishte një infrastrukturë ushtarake, goxha të madhe e cila i kushtonte vendit shumë. Por nga ana tjetër fuqia me të cilën ai vend është përballur, pra Irani është një fuqi rajonale, jo globale. Kaq është fuqia e tij. Kam parë edhe gjatë vitit të kaluar, rrezja e raketave që ata thoshin mund të vijë deri në Europë, raketa balistike, por ai është një fuqi rajonale, nuk është një fuqi globale.

 Duke patur parasysh që nuk është dhe një vend demokratik, pra që ka dhe këtë dhe këtë problematikën tjetër, i rrethuar nga vende me të cilët ai herë pas here ka bërë konflikte. Lufta me Irakun, Afganistanin që e ka aty e ka ngjitur. Është një kundërshtar i hapur i vendeve arabe. Herë pas here me Turqinë ka patur fërkime, sepse edhe Irani ka 7% të popullsisë kurdë dhe gjithmonë kurdët duke qenë se është një komb i cili s'ka shtet, i shpërndarë në tre Turq Siri Irak dhe Iran dhe ata janë të gatshëm në çdo moment që u jepet një shpresë që ju mund të krijoni shtet ata mund të bëhen aleatë dhe ne kemi parë se ç' bënë kurdët në Irak dhe në Siri. Pra kurdët janë gjithmonë një komb që është një komb me mbi 20 e ca milion banorë që mund të reagojnë dhe të bëhet një aleat i perëndimorëve në qoftë se atyre je mundësia të kenë shtetin e vet”,-u shpreh Hoxha./CNA

 





Lajmet e fundit nga