web counter
LEXO PA REKLAMA!

SHKARKO APP

App Store
Google Play

E fundit!

x

Video-Ambasada e SHBA-së publikon mesazhin e James Baker/ Isha dëshmitar si Shqipëria festoi lirinë

22 Qershor 2022, 10:53, Aktualitet CNA

Video-Ambasada e SHBA-së publikon mesazhin e James Baker/ Isha

Ambasada e SHBA-së në Tiranë ka publikuar sot mesazhin e ish-Sekretarit Amerikan të Shtetit, James Baker, i cili ishte zyrtari i parë amerikan, i nivelit të lartë, që vizitonte Shqipërinë në pothuajse gjysmë shekulli.

Në mesazhin e tij, ish-Sekretari Baker kujton vitet e vështira të Shqipërisë në rrëzimin e komunizmit, ndërsa thekson se “isha personalisht dëshmitar se si Shqipëria e festoi lirinë më 22 qershor 1991″.

“Marrëdhëniet e Amerikës me Shqipërinë, në shumë mënyra, janë një nga më të fortat që vendi im ka. Ajo marrëdhënie, sigurisht, bazohet në besimin e palëkundur dhe bindjen në idealet demokratike që udhëheqin të dyja vendet tona. Si amerikanët ashtu edhe shqiptarët mbështesin vetëqeverisjen ndaj dorës së fortë të autoritarizmit. Këtë e them me bindje, sepse isha personalisht dëshmitar se si Shqipëria e festoi lirinë më 22 qershor 1991. Atë ditë, unë u bëra zyrtari i parë i lartë amerikan, i cili vizitonte Shqipërinë pas periudhës së gjatë të izolimit të detyruar të vendit, që filloi gjatë Luftës së Dytë Botërore dhe vazhdoi deri në fund të Luftës së Ftohtë.

Teksa qëndroja në Tiranë, mbi një skenë të improvizuar prej druri, përpara 300 mijë shqiptarëve, u mallëngjeva se si njerëzit e mbledhur iu përgjigjën fjalëve të mia të thjeshta: 'Liria funksionon'. Ata u përgjigjën: 'USA, USA, USA'! Që nga ajo kohë, marrëdhëniet midis Amerikës dhe Shqipërisë janë forcuar dhe kanë përparuar. Shqipëria ka pasur mbështetjen e Shteteve të Bashkuara për hapjen e ekonomisë së saj dhe për të ofruar mundësi për të gjithë qytetarët e saj.

Ndërsa Amerika ka pasur një aleate të palëkundur në përpjekjet për siguri rajonale dhe globale, sidomos si një anëtare e fortë e NATO-s.

Marrëdhënia jonë është veçanërisht e rëndësishme gjatë kërcënimit të tanishëm kundër Ukrainës. Në 100-vjetorin e marrëdhënieve të Shteteve të Bashkuara dhe Shqipërisë, dua t’ju uroj për përparimin që Shqipëria ka bërë drejt ndërtimit të një bote më të mirë dhe më të sigurt për veten dhe fqinjët e saj. Mbi të gjitha, dua t’i përgëzoj që janë përkushtuar ndaj besimit se liria vërtet funksionon. Faleminderit.”-thuhet në mesazhin e James Baker./CNA.al





Lajmet e fundit nga