web counter
LEXO PA REKLAMA!

SHKARKO APP

App Store
Google Play

Urdhri i ministrisë së Shëndetësisë/ Pano: Terapia hormonale do të subvencionohet nga taksapaguesit shqiptar

1 Qershor 2026, 22:35, Aktualitet CNA

Urdhri i ministrisë së Shëndetësisë/ Pano: Terapia

Pastori Akil Pano ka folur për urdhrin e ministrisë së Shëndetësisë për trajtimin me terapi hormonale për transgjinorët.

Pano është shprehur se, udhëzimi i ministrisë flet për terapi hormonale dhe do të subvencionohet nga taksapaguesit shqiptar.

“Për popullin ishte habi se si një ministër mund të nxjerrë një urdhër që urdhëron QSUT për trajtimin hormonal të fëmijëve. Kur diskutojmë se si një qytetar nuk mund të marrë patentën pa bërë 18 vjeç si mund të marrë vendimin për të shkuar drejt terapive hormonale.

Ne kemi parë urdhrin dhe udhëzimet dhe në fakt për ne nuk është surprizë. Ne e parathamë që kjo do vijonte si një nga efektet e ligjit për barazinë gjinore. Ne e kundërshtuam në parlament, kemi bërë protesta në shesh dhe para parlamentit. Kjo histori iu është shfaqur shqiptarëve në 2024 në ligjin për surrogacinë. Ky ligj fliste për abortin te vajzat e 14–16 vjeçare.

Kjo nuk është kulturë lokale por projekt global i ekstremit të majtë të cilat synojnë rindërtimin e një kulture të re. Udhëzimi i ministrisë, siç e kemi lexuar e zeza në të bardhë, flet për terapi hormonale dhe do të subvencionohen nga taksapaguesit shqiptar”, tha Pano./ CNA





Lajmet e fundit nga