web counter
LEXO PA REKLAMA!

SHKARKO APP

App Store
Google Play

Lubonja reagon pas deklaratës së Ramës: Ia ka lënë terrenin shqiptar krimit të organizuar

1 Qershor 2026, 22:15, Aktualitet CNA

Lubonja reagon pas deklaratës së Ramës: Ia ka lënë

Analisti Fatos Lubonja ka reaguar pas deklaratave të kryeministrit Edi Rama.

Lubonja është shprehur se, kryeministri ia ka lënë terrenin shqiptar krimit të organizuar. Sipas Lubonjës askush nuk do të mund të shkojë më i lirë në Zvërnec.

Ai akuzon qeverinë se pronën publike ua ka dhënë privatëve,klientëve të vet që janë oligarkia kriminale e lidhur me krimin e organizuar.

“Sot ai tha që “ky më mori mua nëpër gojë atje” po, dhe tha që “Lubonja nuk është më miku im se i kthen të gjitha gjërat sipas qejfit”.

Kemi qenë miq, çfarë na bashkonte ne? Dhe nuk u ndamë as unë nga ai, as ai nga unë në kuptimin se s’isha pjesë e Partisë Socialiste ndonjehere. Ky ishte njeriu që kishte një tjetër vizion për botën dhe në qoftë se na bashkonin, na bashkonin në revistën që drejtoja unë, ky ishte anëtar bordi, ky vizioni për Tiranën, për zhvillimin e Shqipërisë midis të tjerave.

Kur u ndan nga unë shkoi tek mafia e ndërtimit sipas asaj që Meta ia ka quajtur “një pallat, një votë” për të marrë pushtetin, kupton?

Ja pra, ky është ndryshimi i vizionit që ka bërë, që ka tradhtuar, dhe kjo është çështja. Tani thotë “unë po bëj këto mrekullira dhe ky shef mafie”, sepse unë them që këto janë pastrim parash sot, apo jo? Dhe i kam parë me kohë si, si rreziqe, që tani këtu nuk është më që ka makthin e mafies se është fjalë e bukur.

Ankthi është kur ti nuk e sheh gjënë që të rrezikon po e imagjinon, imagjinon. Unë nuk, kam fare makthin. Unë kam frikën. Frika është tjetër. Frika është kur e sheh. Domethënë, një është të kesh frikë “se mos më ha luani”, një gjë është kur të del luani përpara.

E kuptoj. Domethënë, “se mos më ha luani” është makth se mos vjen luani, kur e ke përpara luani është fakt.

Ne kemi faktin përpara. Ne kemi këtë që pamë, njeriun që u tërhoq zvarrë nga njerëzit e krimit sipas meje. Dhe u tërhoq zvarrë me një polici që nuk vepronte fare dhe u tërhoq zvarrë edhe si një frikësim për të gjithë.

Ky ia ka lënë terrenin krimit të organizuar, terrenin shqiptar. Pra ne do të kontrollohemi nga këta njerëz, se nesër ti nuk shkon dot atje, nuk hyn dot si njeri i lirë atje, si njeri, kupton ti? Këta kanë zaptuar gjithçka, po zaptojnë gjithçka. Atë që ishte pronë publike ia ka dhënë privatëve, klientëve të vet që janë oligarkia kriminale e lidhur me krimin e organizuar”, tha Lubonja./ CNA





Lajmet e fundit nga