web counter
LEXO PA REKLAMA!

SHKARKO APP

App Store
Google Play

E fundit!

x

“U kalua vija e kuqe, hakmarrje pa përmasa”/ Artan Hoxha: Entjan Nikulaj pa lidhje me krimin, dilte për pazar

4 Dhjetor 2023, 21:40, Aktualitet CNA
“U kalua vija e kuqe, hakmarrje pa përmasa”/ Artan Hoxha:
Gazetari Artan Hoxha

Gazetari Artan Hoxha ka folur për ekzekutimin e Entjan Nikulajt, kushëri i Ardjan Nikulajt, i ekzekutuar disa muaj më parë. 

Hoxha tha se pista që dyshohet në këtë rast është konflikti i hershëm, mes dy fiseve Nikulaj dhe Lekstakaj. Sipas Hoxhës deri tani janë tetë të vrarë dhe ekziston frika se konflikti do të vijojë të prodhojë viktima. 

Mënyra si u vra Entjan Nikulaj sipas Hoxhës është një skenë e njohur.

"Është një ngjarje, kronikë e paralajmëruar. Nëse do t’i rikthehesh emisionit që kemi bërë për Ardjan Nikulaj, kemi paralajmëruar këtë fakt, pasojat nga ajo ngjarje. Ajo ngjarje u zbulua shumë shpejt edhe pse kishte skuadër vrasësish ndërkombëtarë. Pati arrestime në Marok, Turqi dhe Britani. Edhe pse ishte organizim i sofistikuar, u duk sikur reagimi ishte i shpejt, u zbuluan autorët. Tre muaj pas vrasjes së Nikulajt, u vra Nikolin Lekstakaj, u tha se është kundërpërgjigje për vrasjen e Ardjan Nikulajt. Vrasja e fundit që ka ndodhur, Entjan Nikulaj, është kryer ditën e shtunë në mbrëmje. Skena është e njohur. Duket se pas çdo atentati, reagimi i parë është të vijë zjarrëfikësja për shkak se digjen automjetet. Makina është parë një ditë para ngjarjes, e kanë ndjekur viktimën. Viktima i fundit është kushëriri i parë i Ardjan Nikulajt.", shprehet ai.

Gazetari thotë se Hakmarrja i ka kaluar përmasat dhe është zgjeruar në të gjithë rrethin e fisit.

“Hakmarrja i ka kaluar përmasat dhe është zgjeruar në të gjithë rrethin e fisit. Mbi 90% e reporterëve sot janë të rinj, në atë kohë nuk ka patur as google dhe yahoo. Për të dhënat e kësaj kohe, duhet të shkosh ose të Instituti i Medias, ose ne Bibliotekë. Nuk ka lidhje vrasja për pesë mijë leksh. Konflikti mes dy familjeve dhe prandaj nuk mbaron, janë familje të fuqishme. Përveçse merren me aktivitete, kanë rreth të madh fisnor, burime financiare. Të bësh një vrasje dhe të djegësh BMË, ka një kosto.”, shprehet Hoxha.

Sipas tij vrasja e Entjan Nikulaj është kalim I vijave të kuqe pasi viktima nuk ishte i implikuar në krime, pasi dilte për pazar dhe nuk ruhej.

“Për rastin e Ardjan Nikulajt ishin paguar gjysmë milionë euro. Ishin hedhur në Shqipëri dhe nuk e kishin marrë përsipër grupe kriminale në Shqipëri, erdhën ata nga Britania. Kemi të bëjmë me këto dy familje, me rreth të madh fisnor, lidhje të forta, njohje dhe lidhje politike. Kanë fuqi ekonomike dhe burime financiare, brenda kësaj fakti që duhet të marrësh masa për t’u mbrojtur duhen njerëz të armatosur, etj. Pra këta duhen financuar, nuk financohen me burime legale. Konflikti është shumë më i vjetër sesa të dilte droga në skenë. Viktima e fundit nuk ishte person me ngarkesë kriminale. Këta që kanë ngarkesa ruhen, jo si ky që dilte në pazar. Është kaluar vija e kuqe, nuk do të vriten vetëm ata që shihen si rrezik, por çdo njeri i afërt i tyre. Deri tani kanë vajtur tetë të vrarë, të shohësh sa fëmijë kanë lënë jetimë dhe ushqehen me urrejtje.”, tha Hoxha./ CNA

 





Lajmet e fundit nga