web counter
LEXO PA REKLAMA!

SHKARKO APP

App Store
Google Play

Turistët italianë ikën pa paguar/ Meloni: Më vjen turp, faturën e pagova personalisht

19 Gusht 2023, 13:23, Aktualitet CNA
Turistët italianë ikën pa paguar/ Meloni: Më vjen turp,
Kryeministrja e Italisë, Giorgia Meloni

Kryeministrja e Italisë, Giorgia Meloni, ka shprehur keqardhje për rastin e turistëve italianë në Berat, të cilët ikën pa paguar faturën në një restorant.

Meloni tregon se për këtë ngjarje është vënë në dijeni nga kryeministri Edi Rama, gjatë qëndrimit të saj Shqipëri për pushime.

Ajo shprehet se faturën e pagoi personalisht, ndonëse ngarkoi ambasadorin italian në Shqipëri për ta kryer këtë detyrë.

Kryeministrja e shtetit fqinj rrëfen se këtë gjë e bëri për shkak se nuk dëshiron këtë lloj imazhi që turistët kanë përcjellë për Italinë.

"Ndërsa isha në Shqipëri, kryeministri Rama më tregon historinë e 4 italianëve që u larguan nga një restorant lokal pa paguar faturën. Pronari i restorantit, pasi pamjet e arratisjes u bënë virale, tha se ishte i lumtur sepse bashkatdhetarët tanë kishin ngrënë mirë dhe ishin të kënaqur.

Më vjen turp, sepse Italia që dua të përfaqësoj nuk është një komb që e bën veten të flasë jashtë për këto gjëra, që nuk respekton punën e të tjerëve, që mendon se është argëtuese të poshtërosh të tjerët. Kështu vendosa t’i kërkoja ambasadorit të shkonte të merrte faturën, të cilën e pagova personalisht. Asgjë e madhe, në fakt as që raportova për këtë.

Megjithatë kjo në Itali ka krijuar edhe polemika, nga një opozitë që me sa duket preferon një tjetër imazh të Italisë. Më vjen keq sepse shpresoja që të paktën të gjithë të bien dakord për diçka kaq të parëndësishme", thuhet në reagimin e saj./ CNA





Lajmet e fundit nga