web counter
LEXO PA REKLAMA!

SHKARKO APP

App Store
Google Play

Sondazhi/ A duhet të lirohet nga burgu Erion Veliaj?

31 Janar 2026, 14:18, Aktualitet CNA

Sondazhi/ A duhet të lirohet nga burgu Erion Veliaj?

Kryebashkiaku i arrestuar i Tiranës, me 13 akuza të rënda, me një dosje prej 60 mijë faqesh të dërguar për gjykim, Erion Veliaj, ka depozituar një kërkesë për zëvendësimin e masës së sigurisë arrest me burg në GJKKO.

I pandehuri Veliaj po kërkon zbutje të masës së sigurisë. Seanca për shqyrtimin e kërkesës së Veliajt do të zhvillohet nesër, ndërkohë që do të shqyrtohet nga gjyqtarja Etleva Deda.

Seanca do të zhvillohet një ditë para seancës së datës 2 shkurt në GJKKO.

Pas kësaj kërkese kemi pyetur opinionin publik përmes një sondazhi: “A duhet të lirohet nga burgu Erion Veliaj?”

Për të shprehur mendimin tuaj mund të zgjidhni një nga përgjigjet e vendosura si alternativa: “Po”, “Jo”, “Nuk e di”.

Votoni në sondazhin e mëposhtëm

Poll

Erion Veliaj u arrestua në 10 shkurt të vitit 2025. Mbi të rëndojnë akuza për vepra penale si shpërdorim detyre, pastrim i produkteve të veprës penale, korrupsion, mosdeklarim i pasurisë dhe futja e sendeve të ndaluara në qeli, vepra këto që kanë parashikime ligjore nga 5 deri në 15 vite burg.

SPAK ka kopsitur dosjen dhe e ka dërguar në gjykatë. Kujtojmë se të gjitha nivelet e gjykatave e kanë lënë në burg Erion Veliaj, duke theksuar se prishte provat, këto të faktuara nga hetimet e kryera.

Nuk ka fakte dhe prova lehtësuese për të liruar Erion Veliajn. Jemi me të njëjtat fakte dhe prova, jemi në të njëjtën situatë. Për më tepër, akuza i është çuar në muajin korrik dhe ne jemi në janar.

Pas më shumë se 7 muajsh janë zhvilluar dhjetëra seanca të cilat shtyhen pambarimisht, sepse Erion Veliaj nuk shkon të përballet në gjykatë, sepse e di shumë mirë çfarë veprash të rënda penale ka konsumuar dhe çfarë provash ka çuar prokuroria në gjykatë./ CNA





Lajmet e fundit nga