E fundit!

07:19 Sociale

Rekord punësimi i të huajve, arrin 22,7 mijë shtetas; 50% e tyre nga Filipinet, India dhe Egjipti

Shqipëria ka arritur rekord për punësimin e shtetasve të h...

Sokol Balla kërcënon SPAK-un një ditë para gjyqit të Veliajt

15 Prill 2025, 21:26, Aktualitet CNA

Ditën e nesërme në GJKKO, gjyqtari Erjon Bani shqyrton kërkesën e Erion Veliajt për zëvendësimin e masës së sigurisë.

Një ditë përpara kësaj seance, Sokol Balla në emisionin e tij ka thënë gënjeshtra dhe ka sulmuar SPAK-un. Ashtu siç ndodhi edhe në seancat e tjera, ku mercenarët e Veliajt sulmonin prokurorët e gjyqtarët, me urdhra nga burgu i Durrësit, ashtu po ndodh edhe këtë herë.

Përgjimet e Veliajt/13 faqe me kërcënime, mashtrime dhe manipulime
6 Prill, 19:09

Mercenari i radhës që është caktuar të kërcënojë SPAK-un e të shpifë ndaj tyre është Sokol Balla. Ai ka thënë se prokurorëve të OPDAT-it u ka mbaruar mandati dhe për kreun e SPAK-ut, Altin Dumani, tha se me gjasë është mandati i fundit.

Sokol Balla gënjen, kërcënon SPAK-un sepse OPDAT-it s’i ka mbaruar në dhjetor afati. Përkundrazi, prokurorët e OPDAT janë kthyer. Pasi kanë marrë konfirmimet nga administrata e Trump janë rikthyer dhe vazhdojnë detyrën në SPAK.

Kthehen amerikanët në SPAK dhe GJKKO
26 Mars, 16:07

Megjithëse, sipas Ballës, kishin ikur që në dhjetor prokurorët e OPDAT-it, Erion Veliaj është arrestuar në shkurt. Pra SPAK mund të bëjë edhe pa oficerët e OPDAT-it dhe t'i qëndrojë përballë edhe Sokol Ballës edhe pagatorëve të tij, të cilët e detyrojnë të kërcënojë dhe shantazhojë SPAK-un ashtu si mercenarët e tjerë që Erion Veliaj urdhëronte nga burgu i Durrësit.

Më poshtë po sjellim një pjesë nga deklarata e Ballës

“Ajo që mendon secili prej nesh për drejtësinë e re, shpresa e madhe që ka ngjallur te ne, por në një situatë delikate në fushatë elektorale sigurisht në një rrethanë, e cila deri dje ata i ka favorizuar, ose i ka mbrojtur nga sulmet e politikës, Shtetet e Bashkuara, një mbështetje që sot le ta themi për ta nuk është më si më parë. Që nga dhjetori kur misioni i OPDAT mbaroi dhe me gjasë nuk do të ekzistojë më jo se ka gjë me SPAK-un, por qëndrimi i SHBA-së është krejt ndryshe nga ai që ka qenë më parë ndaj Shqipërisë dhe ndaj çdo vendi tjetër kur vjen puna për zhvillimet e brendshme në një vend.

Kjo do të thotë që SPAK nga nëntori ndoshta kur Altin Dumani s’do jetë më kreu i saj, nga dhjetori me gjasë OPDAT nuk do jetë më, mund të përballet me një situatë krejt tjetër dhe sigurisht ky do jetë testi i zjarrit, është kjo fushatë elektorale”, tha Balla./ CNA