web counter
LEXO PA REKLAMA!

SHKARKO APP

App Store
Google Play

E fundit!

x

Skandalet e Artan Lames/ Kadastra fsheh pronat e gjyqtarëve

29 Qershor 2022, 09:35, Aktualitet CNA
Skandalet e Artan Lames/ Kadastra fsheh pronat e gjyqtarëve
Artan Lame

Agjencia e Kadastrës është kthyer në një problem jo vetëm për qytetarët, por edhe për institucionet në vend.

Pas djegieve të dosjeve, tashmë Agjencia e Kadastrës “mban peng” edhe Gjykatën Kushtetuese.

KED ka dërguar sërish ankesë për institucionin e drejtuar nga Artan Lame, pasi po fsheh pronat e gjyqtarëve që kandidojnë në Gjykatën Kushtetuese.

"Këshilli i Emërimeve në Drejtësi, pasi konstatoi sërish mungesën e informacionit nga Agjencia Shtetërore e Kadastrës, vendosi të njoftojë këtë të fundit lidhur me Drejtoritë dhe Zyrat Rajonale të cilat deri në mbledhjen e sotme, kane sjellë informacionin e kërkuar nga KED dhe për rrjedhojë edhe ato të cilat nuk e kanë sjellë këtë informacion", thuhet në njoftim.

Këshilli i Emërimeve në Drejtësi, po punon për verifikimin e kandidaturave për plotësimin e vendeve vakante në Gjykatën Kushtetuese. Në mënyrë të përsëritur, KED i është drejtuar Agjencisë Shtetërore të Kadastrës duke kërkuar të dhëna lidhur me pasuritë e paluajtshme dhe të drejtat reale të regjistruara në regjistrat e pasurive të paluajtshme të kandidatëve që kanë shprehur interes për t`u emëruar/zgjedhur si anëtarë të Gjykatës Kushtetuese dhe personave të lidhur me ta, për arsye se disa drejtori vendore të Agjencisë Shtetërore të Kadastrës nuk kanë përcjellë ende përgjigje, duke mbajtur peng zgjedhjen e anëtarëve në Kushtetuese./CNA.al





Lajmet e fundit nga