web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha, deklaratë “bombë”/ “Bandat kanë hapur portale, i përdorin për gjoba”

28 Qershor 2022, 21:26, Aktualitet CNA
Artan Hoxha, deklaratë “bombë”/ “Bandat kanë
Gazetari investigativ, Artan Hoxha

Gazetari investigativ, Artan Hoxha ka bërë një deklaratë të fortë, teksa ka folur për krimin e organizuar dhe për gjobëvënien e mediave.

Hoxha tha se organizatat kriminale kanë hapur portale në vendin tonë dhe i përdorin për t’i vënë gjoba bizneseve.

“Sot kam vënë re se organizatat kriminale kanë hapur portale. I kanë të vetat. Sheh përshembull bombardim të një institucioni, Drejtoria i Tatimeve, Ministria e Financave, pastaj mbaron dhe pushon. Kur i kërkon hiqen lajmet, nuk i gjen dot më lajmet...", u shpreh ai në emisionin “Të Paekspozuarit”.

Gazetari theksoi se  gjobëvënia është një nga metodat që prodhon para për krimin e organizuar dhe eleminon konkurencën në treg.

"Gjobëvënia është një nga krimet më shqetësuese sidomos ndaj biznesit të ndershëm. Është një nga metodat që prodhon para për krimin e organizuar. Eleminon konkurencën në treg.

Ajo lista e 100 tatimpaguesëve, sa herë që del, kur shkon te Ministria e Financave, një kopje shkon për dijeni edhe këtyre. Grupet kriminale kanë patur informacion që biznesi x sapo mori TVSH-në e rimbursueshme përshembull. Nuk të vënë gjobë një shumë që nuk e paguan dot. Është fenomen që nuk e lufton dot vetëm me policinë që kemi ne. Duhet strukturë tjetër.

Ku është kryesisht e përqënduar gjobëvënia?

Zona më e madhe është zona Tiranë-Durrës. Janë bizneset më të mëdha dhe mundësia më e madhe për të paguar. Nëse godet në autostradë dhe i mitrolon fasadën prej xhami do të paguajë ai, se vetëm një makinë aty bën 200 mijë euro… Edhe policia nuk ta zgjidh dot. Problematika tjetër, që ka shoqëruar gjobëvënien, ka qenë vrasja.

Është natyrë krimi, ka momente uljeje, ka momente aktivizimi, në varësi të situatës së rendit në vend. Nëse situata është më e fortë, gjobat vijnë më poshtë. Pastaj ka gjoba që të marrin makinën, shtëpinë, pronën, ka plot”, nënvizoi Hoxha./ B.A. – CNA.al





Lajmet e fundit nga